ভাৰত-বাংলাদেশ সীমান্তত পহৰাৰত সীমান্ত সুৰক্ষা বাহিনীৰ জোৱানক হত্যা কৰাৰ নতুন কৌশল ব্যৱহাৰ কৰিছে পশু সৰবৰাহকাৰীৰ দলে।
পশু সৰবৰাহকাৰীসকলে বাংলাদেশলৈ গৰু সৰবৰাহ কৰাৰ সময়ত বাধা দিয়া বি এছ এফৰ জোৱানক হত্যা কৰাৰ বাবে এনে নতুন কৌশলৰ পৰিকল্পনা কৰিছে।
বুধবাৰে মুৰ্চিদাবাদৰ হাৰুদাঙ্গা পহৰা চকীত থকা বি এছ এফৰ পহৰাদাৰী জোৱানে গংগা নদীত কলগছত বান্ধি গৰু বাংলাদেশলৈ চালান দি থকা দেখি গৰুকেইটা উদ্ধাৰ কৰিবলৈ গৈছিল আৰু উদ্ধাৰ কৰিব যোৱা জোৱানসকলে গৰুৰ ডিঙিত ক্ৰুড বোমা বান্ধি থোৱা পৰিলক্ষিত কৰিছিল (টাইমছ অব ইণ্ডিয়াত প্ৰকাশিত বাতৰি)।
এটা সামান্য ভুলৰ বাবে পশুৰ দেহৰ লগত সংযোগ কৰি ৰখা এনে বোমাৰ বিস্ফোৰণ ঘটি জনসাধাৰণৰ মৃত্যু হ’ব পাৰে।
সৰবৰাহ কৰা পশুসমূহৰ ডিঙিত কলগছ বান্ধি নদীৰ সোতত উটুৱাই দি সীমান্ত পাৰ কৰাৰ এটা নতুন কৌশল বাংলাদেশৰ পশু সৰবৰাহকাৰীসকলে ব্যৱহাৰ কৰা দেখা গৈছে বুলি এগৰাকী কৰ্তব্যৰত বি এছ এফৰ জোৱানে উল্লেখ কৰে।
পশুৰ ডিঙিত বান্ধি থোৱা ৰচীত ক্ৰুড বোমা উদ্ধাৰৰ পাছতে বি এছ এফৰ উচ্চ পৰ্য্যায়ৰ তৰফৰ পৰা পহৰাৰ দায়িত্বত থকা জোৱানসকলক পশু উদ্ধাৰ কৰাৰ সময়ত ব্যৱহাৰ কৰা ৰচী টানোতে সাৱধান হোৱাৰ বাবে নিৰ্দেশ দিছে।
বি এছ এফৰ এগৰাকী বিষয়াই এনে পৰিকল্পনাক নিশা মাইন বোমা পুতি থোৱা অঞ্চলত খোজ দিয়াৰ লগত তুলনা কৰে।
‘‘হয়তো এটা পশুৰ গাত বোমা বান্ধি থোৱা নাথাকিব পাৰে কিন্তু দ্বিতীয়টোৰ গাত থাকিবও পাৰে যিয়ে বিস্ফোৰণ ঘটাই জোৱানসকলৰ মৃত্যু ঘটাব পাৰে। কিছুদিন পূৰ্বে এজন বি এছ এফ জোৱানৰ গালৈ লক্ষ্য কৰি পশু সৰবৰাহকাৰীয়ে ক্ৰুড বোমা দলিয়াইছিল যাৰ ফলত জোৱানজনৰ সোহাতখন ছিগি গৈছিল।
