পি চিদাম্বৰমৰ পুত্ৰৰ বিৰুদ্ধে নতুন গোচৰ; কাৰ্তি চিদাম্বৰমৰ একাধিক সম্পত্তিত অভিযান চিবিআইৰ
কেন্দ্ৰীয় অনুসন্ধান ব্যুৰো (চিবিআই)য়ে মঙলবাৰে প্ৰাক্তন কেন্দ্ৰীয় মন্ত্ৰী তথা জ্যেষ্ঠ কংগ্ৰেছ নেতা পি চিদাম্বৰমৰ পুত্ৰ কাৰ্তি চিদাম্বৰমৰ কেইবাটাও সম্পত্তিত অভিযান চলায়। কাৰ্তিৰ বিৰুদ্ধে বৰ্তমান এটা গোচৰ চলি আছে।
বাতৰি অনুসৰি, কেন্দ্ৰীয় সংস্থাটোৱে মঙলবাৰে ৰাতিপুৱাৰ পৰা বিভিন্ন ৰাজ্যত থকা কাৰ্তি চিদাম্বৰমৰ ৯টা সম্পত্তিত তালাচী অভিযান চলাইছে। দিল্লী, মুম্বাই, চেন্নাই আৰু তামিলনাডুৰ শিৱগঙ্গাত এই অভিযান চলোৱা বুলি জানিব পৰা গৈছে।
কাৰ্তি চিদাম্বৰমে সংবাদ মাধ্যমক কয় যে কেন্দ্ৰীয় সংস্থাটোৱে তেওঁৰ কাৰ্যালয় আৰু বাসগৃহত কিমান বাৰ অভিযান চলাইছে তাৰ “হিচাপ তেওঁ হেৰুৱাই পেলাইছে”।
ইপিনে, বাতৰি অনুসৰি চীনৰ নাগৰিকৰ সৈতে লেনদেনৰ সন্দৰ্ভত এক নতুন গোচৰত এই অভিযান চলোৱা বুলি কোৱা হৈছে। অভিযোগ অনুসৰি, পঞ্জাৱৰ এটা প্ৰকল্পৰ কাম কৰাৰ বাবে কিছু চীনা নাগৰিকৰ ভিছা সহজলভ্য কৰি দিয়াৰ বাবে কাৰ্তিয়ে অবৈধভাৱে ৫০ লাখ ইয়েন লৈছিল।