ৰাজ্য দুখনৰ বিবাদিত সীমান্তত ১৮ মাহ পূৰ্বে সংঘটিত হোৱা ৫জন মেঘালয়ৰ বাসিন্দা আৰু এজন অসম বনৰক্ষীৰ মৃত্যুৰ তদন্তৰ দায়িত্ব চেন্ট্ৰেল ব্যুৰো অফ ইনভেষ্টিগেশ্যন (চিবিআই)য়ে হাতত লৈছে।
অবৈধভাৱে কটা কাঠ কঢ়িয়াই নিয়াৰ অভিযোগত এখন ট্ৰাক অসমৰ বনৰক্ষী বাহিনীয়ে বাধা দিয়াৰ সময়তে ঘটনাটো সংঘটিত হৈছিল।
মেঘালয় আৰু অসম দুয়োখন চৰকাৰে ক্ৰমে চলিত বৰ্ষৰ ফেব্ৰুৱাৰী আৰু মাৰ্চ মাহত চিবিআইক জড়িত কৰিবলৈ অনুৰোধ জনাইছিল।
ইয়াৰ পিছতে কেন্দ্ৰীয় সংস্থাটোৱে প্ৰথমে অসম আৰু মেঘালয় আৰক্ষীয়ে দাখিল কৰা দুটা প্ৰথম তথ্য প্ৰতিবেদন (এফআইআৰ) পুনৰ পঞ্জীয়ন কৰে।
লগতে পঢ়কঃ দেশলৈ উভতিল যৌন কেলেংকাৰীত অভিযুক্ত প্ৰজ্বল ৰেভান্না; বিমানবন্দৰতে গ্ৰেপ্তাৰ
২০২২ চনৰ ২২ নৱেম্বৰত অসমৰ পশ্চিম কাৰ্বি আংলং জিলাত অসম বন বিভাগৰ বিষয়াই ট্ৰাকখন আটক কৰিছিল।
অসম আৰক্ষী বিষয়াৰ মতে, মেঘালয় পক্ষৰ পৰা অহা এটা দলে বনৰক্ষী আৰু অসম আৰক্ষীক আক্ৰমণ কৰাৰ ফলত পৰিস্থিতি নিয়ন্ত্ৰণৰ বাবে গুলীচালনা কৰে।
মেঘালয়ৰ পশ্চিম জয়ন্তীয়া পাহাৰ জিলাৰ মুক্ৰোহ গাঁৱৰ ৫ জন বাসিন্দা আৰু অসমৰ এজন বনৰক্ষী ঘটনাটোত নিহত হৈছিল।
এই কাণ্ডই অসম আৰু মেঘালয়ৰ মাজত থকা দীৰ্ঘদিনীয়া সীমা বিবাদক স্পষ্ট কৰি তুলিছে।
লগতে পঢ়কঃ আদালতত দোষী সাব্যস্ত আমেৰিকাৰ প্ৰাক্তন ৰাষ্ট্ৰপতি ড’নাল্ড ট্ৰাম্প; ১১ জুলাইত ঘোষণা হ’ব শাস্তি
২০২২ চনৰ মাৰ্চ মাহত উত্তৰ-পূবৰ ৰাজ্য দুখনে কেন্দ্ৰীয় গৃহমন্ত্ৰী অমিত শ্বাহৰ উপস্থিতিত ইয়াৰে ছয়টা অঞ্চলৰ বিবাদ নিষ্পত্তিৰ লক্ষ্যৰে বুজাবুজিৰ চুক্তিত স্বাক্ষৰ কৰিছিল।
