চীফ অফ ডিফেন্স ষ্টাফ জেনেৰেল বিপিন ৰাৱাটে প্ৰধান মন্ত্ৰী সাহায্য পুজিলৈ প্ৰতিমাহে ৫০,০০০ টকাকৈ সাহায্য আগবঢ়াব বুলি জানিবলৈ দিয়ে।
প্ৰতিমাহে জেনেৰেল ৰাৱাটৰ দৰমহাৰ পৰা সাহায্য হিচাপে আগবঢ়োৱা টকাখিনি কটা হ’ব আৰু কেন্দ্ৰৰ কোভিড-১৯ সাহায্য পুজিত জমা হ’ব।
এনেদৰে প্ৰতিমাহে ৫০,০০০ কৈ টকা ১২ মাহলৈ অৰ্থাৎ এবছৰলৈ জেনেৰেল ৰাৱাটে সাহায্য হিচাপে আগবঢ়াব।
প্ৰথমটো সাহায্য হিচাপে ৫০০০০ টকা ৰাৱাটে এপ্ৰিল মাহত আগবঢ়ায়।
উল্লেখযোগ্য যে, কেন্দ্ৰ চৰকাৰে জেনেৰেল বিপিন ৰাৱাটক দেশৰ প্ৰথম গৰাকী চীফ অফ ডিফেন্স ষ্টাফ হিচাপে নিযুক্তি দিছিল।
চীপ অফ ডিফেন্স ষ্টাফে স্থলসেনা, বায়ুসেনা আৰু নৌসেনা বাহিনীৰ সমন্বয়ৰক্ষী হিচাপে কাম কৰে।
উল্লেখযোগ্য যে, ভাৰতীয় সেনা বাহিনীয়ে ক’ৰ’নাৰ সংক্ৰমণৰ সময়ত দেশৰ বিভিন্ন প্ৰান্তত জনসাধাৰণক খাদ্যবস্তু প্ৰদানকে আদি কৰি বিভিন্ন ধৰণে সহায় কৰি আহিছে।