কিছুমান বিশেষ খাদ্যই যৌন ক্ষমতা বা কামুক সম্ভাৱনা হ্ৰাস কৰিব পাৰে। মন কৰিবলগীয়া যে খাদ্য আৰু যৌন ইচ্ছাৰ মাজত এক গুৰুত্বপূৰ্ণ সম্পৰ্ক আছে। খাদ্যই শৰীৰ, মন আৰু সামগ্ৰিক স্বাস্থ্যও প্ৰত্যক্ষ আৰু পৰোক্ষ প্ৰভাৱ বিস্তাৰ কৰে। গতিকে আজি আমি এনে কিছুমান খাদ্যৰ কথা উল্লেখ কৰিব যিবোৰে যৌন সক্ষমতাৰ ওপৰত বিৰূপ প্ৰভাৱ পেলাব পাৰে।
জানো আহক কি কি খাদ্যই নেতিবাচক প্ৰভাৱ পেলাই আপোনাৰ স্বাস্থ্যৰ ওপৰত –
১) প্ৰচেছড ফুডছ : প্ৰচেছড ফুড, যেনে ফাষ্ট ফুড, চেনিযুক্ত স্নেকছ, অত্যধিক পৰিমাণৰ প্ৰচেছড কাৰ্বহাইড্ৰেটযুক্ত খাদ্যই মেদবহুলতা আৰু অন্যান্য স্বাস্থ্যজনিত সমস্যাৰ সৃষ্টি কৰিব পাৰে যিয়ে যৌন ইচ্ছা আৰু কাৰ্য্যকলাপত নেতিবাচক প্ৰভাৱ পেলাব পাৰে।
২) অত্যধিক মদ্যপান : অত্যধিক মদ্যপানে হ্ৰাস কৰিব পাৰে যৌন ক্ষমতা। সামান্য পৰিমাণৰ মদ্যপানে কিছুমান লোকক যৌন সম্ভোগত শিথিলতা প্ৰদান কৰাত সহায় কৰিব পাৰে যদিও অত্যধিক মদ্যপানে যৌন কাৰ্য্যক্ষমতা হেৰুৱাত অৰিহনা যোগাব পাৰে। সেয়ে সীমিত কৰক আপোনাৰ মদ্যপান।
৩) সৰিয়হৰ পৰা প্ৰস্তুত কৰা খাদ্য : কিছুমান গৱেষণাৰ পৰা দেখা গৈছে যে সৰিয়হ পৰা তৈয়াৰ কৰা খাদ্য, য’ত ফাইটোইষ্ট্ৰজেন নামৰ যৌগ থাকে, এনে খাদ্য প্ৰচুৰ পৰিমাণে সেৱন কৰিলে পুৰুষৰ টেষ্টষ্টেৰনৰ মাত্ৰা হ্ৰাস পাব পাৰে। অৱশ্যে সৰিয়হৰ মধ্যমীয়া সেৱন সাধাৰণতে নিৰাপদ বুলি গণ্য কৰা হয়।
৪) পদিনা : পদিনাত মৃদু এন্টি-এণ্ড্ৰজেনিক প্ৰভাৱ আছে, যাৰ ফলত টেষ্টষ্টেৰনৰ মাত্ৰা হ্ৰাস পোৱাৰ সম্ভাৱনা থাকে আৰু পাছলৈ কামনাও হ্ৰাস পায়। কিন্তু কম পৰিমাণে সেৱন কৰিলে সাধাৰণতে ইয়াৰ প্ৰভাৱ বিশেষ নহয়।
আচলতে বহুতো খাদ্যই যৌন স্বাস্থ্যৰ ওপৰত ইতিবাচক প্ৰভাৱ পেলোৱা বুলি জনা যায়, যেনে ফল-মূল, শাক-পাচলি, গোটা শস্য, ক্ষীণ প্ৰটিন, আৰু কিছুমান ভিটামিন আৰু খনিজ পদাৰ্থৰে সমৃদ্ধ খাদ্য।
যৌন সক্ষমতা বজাই ৰখাৰ বাবে সুষম আৰু সুস্থ জীৱনশৈলীও গুৰুত্বপূৰ্ণ। যদি আপুনি যৌন ইচ্ছাৰ সৈতে স্থায়ী সমস্যাৰ সন্মুখীন হৈছে, তেন্তে আপোনি যৌন চিকিৎসকৰ পৰামৰ্শ লোৱাটো ভাল।
