ক্ৰাছৰ নামটো জানে, কিন্তু কোনোমতে ফোন নম্বৰটো বিচাৰিব পৰা নাই। আকৌ বহু চেষ্টাৰ পিছতো আন ক’ৰবাৰ পৰা যোগাৰ কৰিবলৈও সক্ষম হোৱা নাই। ফলত হোৱাটছএপত মেছেজ কৰাৰ কোনো উপায় নাই। হয়তো তেনেকৈয়ে ভাবিছে? নম্বৰৰ প্ৰয়োজন নাই। WhatsApp ত মেছেজ কৰিবলৈ নামেই যথেষ্ট।
শুনি আচৰিত হৈছে নেকি? নম্বৰ নোহোৱাকৈ WhatsApp কেনেকৈ কৰিব! ইনষ্টেন্ট মেচেজিং এপটোৱে এনে এটা ফিচাৰেই আনিছে। এই ফিচাৰটো হৈছে Username Feature। আৰু এই ইউজাৰনেম ফিচাৰত আপুনি কথা পাতিব বিচৰা ব্যক্তিজনৰ নামটোৱেই যথেষ্ট। ইয়াত কোনো নম্বৰৰ প্ৰয়োজন নাই।
এই ফিচাৰে কেনেকৈ কাম কৰিব?
Username Feature য়ে যিকোনো ব্যক্তিৰ নম্বৰ ব্যক্তিগত কৰি ৰাখিব। অৰ্থাৎ যিকোনো মানুহৰ লগত চ্যাট কৰিব পাৰিব। কিন্তু সেই ব্যক্তিজনৰ নাম জানিব লাগিব। তেতিয়াহে সেই নামটো চাৰ্চ কৰি তেওঁক হোৱাটছএপত বিচাৰি পাব। কিন্তু সেই নামৰ বাহিৰে আন কোনো তথ্য দেখা নাপাব। তেওঁৰ কোনো ষ্টেটাছ, কোনো মোবাইল নম্বৰ, একো নাপাব। বৰ্তমান এই ফিচাৰ কেৱল ৱেব বিটা ব্যৱহাৰকাৰীসকলৰ বাবেহে অনা হৈছে। ইয়াৰ পূৰ্বে এই ফিচাৰ এণ্ড্ৰইড বিটা টেষ্টাৰসকলকো দিয়া হৈছিল।
নাম সলনি কৰিব পাৰে:
Username Feature ৰ জৰিয়তে আপুনি কথা পতা ব্যক্তিজনৰ নাম আপোনাৰ নিজৰ মতে চেভ কৰি ৰাখিব পাৰিব। অৰ্থাৎ আপোনাৰ সুবিধা অনুযায়ী নামটো চেভ কৰি কন্টেক্টত ৰাখিব পাৰে। তেনেকৈয়ে সেই নামটো চেভ কৰিব পাৰিব। কিন্তু তাত কোনো নম্বৰ নাথাকিব। সেই নামটো হোৱাটছএপত চেভ হৈ থাকিব। এই ফিচাৰ অন্যান্য ছ’চিয়েল মিডিয়া এপৰ দৰে কাম কৰিব আৰু প্ৰতিজন ব্যক্তিৰ এটা একক ইউজাৰনেম থাকিব।
ডেস্কটপৰ পৰাই ষ্টেটাছ শ্বেয়াৰ হ’ব:
এই আপডেটৰ তথ্য Wabetainfo দ্বাৰা শ্বেয়াৰ কৰা হৈছে। এই ৱেবচাইটত হোৱাটছএপৰ আগন্তুক বিভিন্ন ফিচাৰ বা পৰিৱৰ্তনৰ খবৰ ৰখা হয়। ৱেবছাইটৰ পৰা এটা ছবিও পোষ্ট কৰা হৈছে। ব্যৱহাৰকাৰীৰ নামৰ উপৰিও ৱেব ব্যৱহাৰকাৰীৰ বাবে ষ্টেটাছ আপডেট আৰু ডাৰ্ক ইন্টাৰফেছৰ কামো কৰি আছে সংস্থাটোৱে। অতি সোনকালে ৱেব ব্যৱহাৰকাৰীসকলে মোবাইল অবিহনে নিজৰ লেপটপ বা ডেস্কটপৰ পৰা পোনপটীয়াকৈ ষ্টেটাছ আপডেট শ্বেয়াৰ কৰিব পাৰিব। কেৱল মিডিয়া নহয়, আপুনি টেক্সট ষ্টেটাছও পোষ্ট কৰিব পাৰিব।
