অষ্ট্ৰেলিয়াত চলি থকা বৰ্ডাৰ-গাভাস্কাৰ টেষ্ট ছিৰিজত এক অনবদ্য অভিলেখৰ অধিকাৰী হ’ল ভাৰতীয় বেটছমেন চেতেশ্বৰ পূজাৰা।
ছিডনী টেষ্টৰ পূৰ্বে টেষ্টত পূজাৰাৰ মুঠ সংগ্ৰহ আছিল ৫৯০৩ৰাণ। সেই সূত্ৰে কেৰিয়াৰৰ ৬হাজাৰ ৰাণ স্পৰ্শ কৰিবলৈ পূজাৰাক প্ৰয়োজন আছিল ৯৭ৰাণ।
ছিডনীৰ প্ৰথম ইনিংছত ৫০ ৰাণ কৰি আউট হয় পূজাৰা। দ্বিতীয় ইনিংছত অৰ্দ্ধ শতৰাণ কৰাৰ পথত বেটছমেন গৰাকীয়ে টেষ্ট কেৰিয়াৰৰ ৬হাজাৰ ৰাণৰ মাইলষ্টন অতিক্ৰম কৰে।
পূজাৰাই দ্বিতীয় ইনিংছত ৭৭ৰাণ কৰি আউট হয়। ছিডনী টেষ্টৰ দুটা ইনিংছৰ পাছত পূজাৰাৰ মুঠ টেষ্ট ৰাণৰ সংখ্যা হয়গৈ ৬০৩০ৰাণ।
টেষ্ট মেচত ৬হাজাৰ ৰাণৰ মাইলষ্টন অতিক্ৰম কৰা চেতেশ্বৰ পূজাৰা হৈছে ১১নম্বৰ ভাৰতীয় বেটছমেন।
ব্ৰীছবেন টেষ্টত তেওঁ গুডাপ্পা বিশ্বনাথক অতিক্ৰমি সৰ্বাধিক টেষ্ট ৰাণ সংগ্ৰহকাৰী ভাৰতীয় বেটছমেনৰ তালিকাত ১০ নম্বৰ স্থানলৈ উন্নীত হ’ব পাৰে।
বিশ্বনাথে তেওঁৰ কেৰিয়াৰত ৯১খন টেষ্টৰ ১৫৫টা ইনিংছত ৪১.৯৩ গড়ে ৬০৮০ৰাণ সংগ্ৰহ কৰিছিল। আনহাতে, পূজাৰাই ৮০খন মেচত ১৩৪টা ইনিংছ খেলি ৪৭.৮৫ গড়ে ৬হাজাৰ ৰাণৰ সীমা অতিক্ৰম কৰিছে।