ডিব্ৰুগড়ৰ অসম মেডিকেল কলেজ হাস্পাতলৰ মাতৃ আৰু শিশু পৰিচৰ্যা ৱাৰ্ডত দেওবাৰে নিশা সংঘটিত হোৱা এক ভয়ংকৰ অগ্নিকাণ্ডত এটি শিশুৰ মৃত্যু হয়।
অগ্নিকাণ্ডৰ ফলত বিভাগটোৰ আইচিয়ু ৱাৰ্ডৰ বিস্তৰ ক্ষতি হয়।
এই অগ্নিকাণ্ডৰ ঘটনাত আইচিয়ুৰ ভেন্টিলেশ্যন ছাপোৰ্টত থকা এটি শিশু মৃত্যুমুখত পৰে।
সূত্ৰসমূহে জানিবলৈ দিয়া মতে, মাতৃ আৰু শিশু পৰিচৰ্যা ৱাৰ্ডৰ আইচিয়ুত শ্বট ছাৰ্কিটৰ ফলতেই এই অগ্নিকাণ্ড সংঘটিত হয়।
অগ্নিকাণ্ডৰ ফলত বিদ্যুৎ গুচি যোৱাত ভেন্টিলেশ্যন ছাপোৰ্টত থকা শিশুটিৰ শ্বাস-নিশ্বাস বন্ধ হৈ মৃত্যু হোৱাৰ সন্দেহ কৰা হৈছে।
অগ্নিকাণ্ড সংঘটিত ৱাৰ্ডটোৰ চিকিৎসাধীন শিশুসকলক আন ৱাৰ্ডলৈ স্থানান্তৰ কৰা হৈছে।
ঘটনাৰ পাছত অগ্নিনিৰ্বাপক বাহিনী উপস্থিতি হৈ জুঁই নিৰ্বাপন কৰে।
সূত্ৰসমূহে জানিবলৈ দিয়ে যে গোটেই বিভাগটোত জুঁই বিয়পি পৰাত আতংকিত হৈ ৰোগীসকলৰ লগতে ৰোগীৰ লগত থকা আত্মীয়সকলে নিজৰ প্ৰাণ বচাবলৈ দৌৰি ওলাই যায়।
