নাম তেওঁৰ চিক ফিলিপ লীচি। বয়স ৩২ বছৰ। পেচাত এজন ক্লাবাৰ। নিশা বিপদত পৰা লোকক সহায় কৰিও ভাল পায় তেওঁ।
অপৰাধ কৰাৰ পিছত দিয়া এক বিশেষ স্বীকাৰোক্তিৰ বাবে এই ফিলিপ এতিয়া চৰ্চালৈ আহিছে।
ক্লাবাৰ ফিলিপে নিশা এগৰাকী ২৬ বছৰীয়া কইনাক বিয়াৰ দিনাই সহায়ৰ প্ৰলোভনেৰে এখন পাৰ্কলৈ নি জঘন্যভাৱে ধৰ্ষণ কৰে।
ধৰ্ষিতা ন-কইনাৰ মতেই অতি জঘন্যভাৱে ফিলিপে তেওঁক ধৰ্ষণ কৰি এখন কাঠনীত পেলাই থৈ আহে। ঘটনাটো সংঘটিত হৈছে ইংলেণ্ডৰ মনচেষ্টাৰৰ।
চিচিটিভিৰ ফুটেজৰ দ্বাৰা আৰক্ষীয়ে যুৱতীগৰাকীৰ ধৰ্ষণকাৰী ফিলিপক যেতিয়া সন্দেহ কৰিছিল তেতিয়াই ফেইচবুকত যুৱতীগৰাকীৰ নাম উল্লেখ কৰি এক পোষ্ট দি দাবী কৰে যে যুৱতীগৰাকী শকত হোৱাৰ বাবেই তেওঁ তাইক ধৰ্ষণ কৰিছিল। কাৰণ তেওঁ শকত মানুহক ঘিণ কৰে। ফিলিপৰ মতে শকত যুৱতীগৰাকীয়েহে বোলে তেওঁক ধৰ্ষণ কৰিছিল, তেওঁ কৰা নাছিল।
“মই অকল এগৰাকীকে ধৰ্ষণ কৰা নাই। আৰু মোৰ কাৰণে ডাঙৰ কথা হ’ল মই শকত মানুহক ঘিণ কৰো।” ফিলিপে কয়।
ইমানতেই ক্ষান্ত থকা নাই উক্ত যুৱকজন। তেওঁ লগতে দাবী কৰে যে শকত মানুহৰ প্ৰতি তেওঁৰ কোনো আকৰ্ষণ নাই আৰু শকত মানুহৰ সৈতে শয়ন কৰাৰ পিছত তেওঁলোকক তেওঁ দলিয়াই থৈ আহে। অৰ্থাৎ শকত মানুহেৰে যৌন সম্পৰ্ক কৰি তেওঁলোকক তেওঁ অৱজ্ঞা কৰি আহিছে।
“এইটো বিৰ্তকিত কথা হ’ব পাৰে, কিন্তু এইটো মই ক’মেই যে শকত নাৰী মোৰ যৌন কামনাৰ প্ৰথম পচন্দ।” তেওঁ লগতে কয়।
ইফালে নিজৰ বাগদত্তৰ লগত বিয়াৰ হোৱা ভুক্তভোগী হতাশাগ্ৰস্ত যুৱতীগৰাকীয়ে আদালতত কয় যে, “তেওঁৰ(ধৰ্ষণকাৰী) এনে মন্তব্যই মোক নিজকে শেষ কৰি দিবলৈ প্ৰৰোচিত কৰিছিল।”
“ফেইচবুকৰ তেওঁৰ পোষ্টবোৰ দেখি মই দুখ, ভয় আৰু খং অনুভৱ কৰিছিলো, বিশেষকৈ তেওঁ মোৰ নাম প্ৰকাশ কৰি মোৰ ওজনৰ বিষয়ে অপমানসূচক মন্তব্য কৰিছিল আৰু মইহে তেওঁক ধৰ্ষণ কৰা বুলি কৈছিল।” নিৰ্যাতিতা যুৱতীগৰাকীয়ে আদালতত কয়।
আদালতত যুৱতীগৰাকীয়ে আৰু কয় যে যুৱকজনে তেওঁৰ বিয়াৰ দিনা ধৰ্ষণ কৰাৰ পিছত বিয়াৰ অভ্যৰ্থনা অনুষ্ঠানত পুৰুষৰ আগত উপস্থিত হ’বলৈ অস্বস্তি অনুভৱ কৰিছিল।
উল্লেখ্য যে ধৰ্ষণকাৰী যুৱকজনক ফেইচবুকত এইধৰণৰ পোষ্ট কৰাৰ পিছতে আৰক্ষীয়ে গ্ৰেপ্তাৰ কৰে। গ্ৰেপ্তাৰ হোৱাৰ পিছতে যুৱকজনে নিজৰ স্মৃতি শক্তি হেৰুওৱা বুলিও দাবী কৰে।
আদালতৰ প্ৰ’ছিকিউটৰে কয় যে যুৱতীগৰাকী সেই সময়ত মদ্যপান কৰি আছিল আৰু যুৱকজনে উদ্দেশ্যপূৰ্ণভাৱে তেওঁক উদ্যানৰ পঢ়া ঠাই দেখুওৱাবলৈ বুলি নি নিৰ্জন ঠাইত ধৰ্ষণ কৰিছিল।
ইতিমধ্যে মানচেষ্টাৰৰ মিনশ্বীল ষ্ট্ৰীট আদালতে যুৱকজনক ধৰ্ষণৰ অপৰাধত ১১ বছৰৰ কাৰাদণ্ড বিহিছে।
