ভাৰতৰ কমিউনিষ্ট পাৰ্টী (মাৰ্ক্সবাদী) গোৱালপাৰা জিলা কমিটিৰ প্ৰেছ বিবৃতিৰ প্ৰতিলিপি অসম্পাদিত ৰূপত দিয়া হ’ল
ভাৰতবৰ্ষ এখন কল্যানকামী , গণতান্ত্ৰিক ৰাষ্ট্ৰ। গণতন্ত্ৰৰ অৰ্থ হ’ল আমাৰ চৰকাৰখন দেশৰ নাগৰিকৰ চৰকাৰ আৰু ই দেশৰ নাগৰিকৰ কাৰণে উৎসৰ্গিত দেশৰ নাগৰিকৰ দ্বাৰা গঠিত চৰকাৰ । দেশৰ নাগৰিকৰ অন্ন, বস্ত্ৰ, বাসস্থানৰ ব্যৱস্থা কৰাটো এখন কল্যানকামী চৰকাৰৰ সাংবিধানিক দায়িত্ব । এনে ক্ষেত্ৰত বিকল্প পুনৰসংস্থাপনৰ ব্যৱস্থা নকৰাকৈ কৃষ্ণাইৰ পাইকানত প্ৰশাসনে বহু মানুহক অকল নিৰ্মম ভাবে উচ্ছেদেই কৰা নাই, হতভাগা আৰু সকলো হেৰুৱাই অস্থিৰ হৈ পৰা মানুহৰ মাজত আজি গুলীচালনা কৰি এজন যুৱকক হত্যাও কৰিছে । প্ৰশাসনৰ এই অমানৱীয় কাৰ্য্যক আমি ভাৰতৰ কমিউনিষ্ট পাৰ্টী ( মাৰ্ক্সবাদী) ৰ গোৱালপাৰা জিলা কমিটিয়ে কোঠোৰ ভাষাৰে গৰিহণা দিছোঁ ।
চকুৰ সন্মুখতে নিজৰ ঘৰ ভাঙি পেলোৱা কথাটোৱে মানুহক উত্তেজিত কৰি তোলাটো অতি স্বাভাবিক । কিন্তু প্ৰশাসনে গুলী চলাই পৰিস্থিতি নিয়ন্ত্ৰণ কৰিবলৈ কিয় গ’ল যত এজন যুৱকৰ মৃত্যু হ’ল?, সচাকৈ গুলি চলাবলগীয়া পৰিস্থিতি সৃষ্টি হৈছিলনে ?, গুলি নচলোৱাকৈ পৰিস্থিতি নিয়ন্ত্ৰণ কৰাৰ সকলো উপায় শেষ হৈ গৈছিল নেকি? গুলি চালনা আৰু এজনৰ মৃত্যুৰ পাছত পৰিস্থিতি অধিক উত্তেজনাপূৰ্ণ হৈ উঠিল আৰু পুলিচে পুনৰ জমা হোৱা মানুহখিনিৰ ওপৰত হঠাৎ লাঠি চালনা আৰম্ভ কৰিলে । ঘৰ হেৰুৱাই মানুহখিনি যে স্বাভাৱিকভাবেই অস্থিৰ আৰু ক্ষোভিত হৈ থাকিব পাৰে সেইয়া পুলিচে অনুমান কৰি সাজু থাকিলে হয়তো গুলি চালনা আৰু হত্যাৰ নিচিনা নিষ্ঠুৰ পদক্ষেপ এৰাব পৰা গ’লহেতেন । আমি এই সমগ্ৰ ঘটনাৰ ন্যাযিক তদন্ত বিচাৰিছোঁ ।
আমি পুলিচৰ এই ধৰণৰ কাৰ্য্যক তীব্ৰভাবে নিন্দা কৰিছোঁ ।
পুনৰসংস্থাপনৰ বিকল্প ব্যৱস্থা নকৰাকৈ প্ৰশাসনে চলোৱা অমাৱীয় উচ্ছেদৰ তীব্ৰ বিৰোধিতা কৰিছোঁ ।
মৃত ব্যক্তিৰ পৰিয়ালক, আহত ব্যক্তিৰ পৰিয়ালক উপযুক্ত ক্ষতিপূৰণৰ দাবী কৰিছোঁ ।উচ্ছেদিত লোকসকলৰ কাৰণে চৰকাৰী নিয়ম অনুসাৰে সম্প্ৰতি অস্থায়ী আশ্ৰয় শিৱিৰ আৰু খাদ্য-সামগ্ৰী যোগানৰ দাবী কৰিছোঁ আৰু অনতিপলমে তেওঁলোকক পুনৰবাসনৰ ব্যৱস্থা কৰাৰ দাবী জনাইছোঁ ।
পাৰভেজ আলী
সম্পাদক
চি পি আই (এম)
গোৱালপাৰা জিলা কমিটি
