ৰাজ্যসভাৰ দ্বিতীয়খন আসনৰ বাবে কংগ্ৰেছ প্ৰাৰ্থী ৰিপুন বৰাৰ মনোনয়ন পত্ৰ দাখিল
আজি ৰাজ্যসভাৰ দ্বিতীয়খন আসনৰ বাবে কংগ্ৰেছ তথা বিৰোধীৰ উমৈহতীয়া প্ৰাৰ্থী ৰিপুন বৰাই মনোনয়ন পত্ৰ দাখিল কৰে।
ৰিপুন বৰাৰ মনোনয়ন দাখিল পৰ্বত আজি পৰিস্ফুট হয় বিৰোধীৰ ঐক্য।
মনোনয়ন দাখিলৰ সময়ত ৰিপুন বৰাক সংগ দিয়ে প্ৰদেশ কংগ্ৰেছৰ সভাপতি ভুপেন বৰা, বিৰোধী দলপতি দেবব্ৰত শইকীয়া, উপ দলপতি ৰকিবুল হুছেইন, বিধায়ক অখিল গগৈ, CPI(M) ৰ বিধায়ক মনোৰঞ্জন তালুকদাৰ, AIUDF ৰ বিধায়ক আমিনুল ইছলাম, আশ্ৰাফুল হুছেইনৰ লগতে আন কেইবাজনো বিধায়কে।
মনোনয়ন দাখিলৰ সময়ত নিলম্বিত বিধায়ক শ্বেৰমান আলীও ৰিপুন বৰাৰ লগত উপস্থিত থাকে।
আনহাতে ৰিপুন বৰাৰ সৈতে উপস্থিত নাথাকিল ৰহাৰ নিলম্বিত বিধায়ক শশীকান্ত দাস।
অন্যহাতে তিতাবৰৰ বিধায়ক ভাস্কৰ বৰুৱা উপস্থিত নাথাকিব বুলি চৰ্চা চলিছিল যদিও তেওঁ ৰিপুন বৰাৰ সৈতে উপস্থিত থাকে।