আজি ৰাজ্যসভাৰ প্ৰথমখন আসনৰ বাবে বিজেপি প্ৰাৰ্থী পবিত্ৰ মাৰ্ঘেৰিটাই মনোনয়ন পত্ৰ দাখিল কৰে।
মুখ্যমন্ত্ৰী ড: হিমন্ত বিশ্ব শৰ্মা, ৰাজ্যিক বিজেপিৰ সভাপতি ভৱেশ কলিতা, UPPL ৰ সভাপতি তথা বিটিছি প্ৰধান প্ৰমোদ বড়ো, অগপৰ সভাপতি অতুল বৰা, মন্ত্ৰী ৰঞ্জিত দাসকে ধৰি বিজেপিৰ অন্য বিধায়কসকল মনোনয়ন দাখিলৰ সময়ত উপস্থিত থাকে।
বিজেপি মিত্ৰজোঁটৰ প্ৰাৰ্থী UPPL ৰ ৰণগৌৰা নাৰ্জাৰীয়েও মাৰ্ঘেৰিটাৰ সৈতে একেলগে মনোনয়ন দাখিল কৰে।
উল্লেখ্য যে কিছু সময় পূৰ্বে ৰাজ্যসভাৰ দ্বিতীয়খন আসনৰ বাবে বিৰোধীৰ উমৈহতীয়া প্ৰাৰ্থী ৰিপুন বৰাইও মনোনয়ন পত্ৰ দাখিল কৰিছে।
আজি ৰাজ্যসভা নিৰ্বাচনৰ মনোনয়ন দাখিলৰ অন্তিম দিন।
অহা ৩১ মাৰ্চত দুয়োখন আসনৰ বাবে ভোটগ্ৰহণ অনুষ্ঠিত হ’ব।
