মুখ্যমন্ত্ৰী হিমন্ত বিশ্ব শৰ্মা আৰু কংগ্ৰেছৰ মাজৰ বাক-বিতণ্ডা এতিয়া তুংগত উঠিছে। শুকুৰবাৰে ২০২৬ চনৰ বিধানসভা নিৰ্বাচনৰ পূৰ্বে অসম কংগ্ৰেছৰ প্ৰচাৰৰ ক্ষেত্ৰত মূলতঃ ইছলামিক দেশৰ পৰা চলি থকা ৫ হাজাৰৰো অধিক ছ’চিয়েল মিডিয়া একাউণ্ট জড়িত থকাৰ অভিযোগ উত্থাপন কৰি উদ্বেগ প্ৰকাশ কৰে মুখ্যমন্ত্ৰী হিমন্ত বিশ্ব শৰ্মা। সংবাদমেল সম্বোধন কৰি শৰ্মাই দাবী কৰে যে, বেছিভাগেই বাংলাদেশ আৰু পাকিস্তানৰ ৪৭খন দেশৰ পৰা এই একাউণ্টসমূহে বিগত এমাহ ধৰি এজন বিশেষ অসম কংগ্ৰেছ নেতা আৰু দলৰ ৰাজ্যিক ইউনিটৰ পেজৰ সৈতে সংযুক্ত বিষয়বস্তুৰ সৈতে সক্ৰিয়ভাৱে জড়িত হৈ আছে বুলি দাবী কৰিছে।
শৰ্মাই কয় যে এই একাউণ্টসমূহে কেৱল অসম কংগ্ৰেছ আৰু এজন বিশেষ নেতাৰ কাৰ্যকলাপৰ ওপৰত গুৰুত্ব আৰোপ কৰে আৰু ৰাহুল গান্ধীৰ দৰে জাতীয় কংগ্ৰেছ নেতাৰ সৈতে লিংক কৰা পোষ্ট বা ভাৰতীয় জাতীয় কংগ্ৰেছৰ অফিচিয়েল পেজৰ সৈতে লিংক কৰা হোৱা নাই। যদিও মুখ্যমন্ত্রীয়ে নেতাগৰাকীৰ নাম স্পষ্টকৈ উল্লেখ নকৰিলেও তেওঁৰ এই মন্তব্যত ২০২৫ চনৰ মে’ মাহত অসম প্রদেশ কংগ্ৰেছ কমিটীৰ সভাপতি হিচাপে নিযুক্তি পোৱা গৌৰৱ গগৈৰ কথা উল্লেখ কৰিছে সেয়া স্পষ্ট হৈ পৰিছে৷
অসম কংগ্ৰেছক প্ৰচাৰ কৰাৰ উপৰিও এই একাউণ্টসমূহত পেলেষ্টাইন সমৰ্থক বাৰ্তা, ইৰাণৰ প্ৰতি সমৰ্থন আৰু বাংলাদেশৰ মুখ্য উপদেষ্টা অধ্যাপক মহম্মদ ইউনুছৰ সমৰ্থনকে ধৰি ইছলামিক মৌলবাদৰ সৈতে জড়িত বিষয়বস্তু শ্বেয়াৰ কৰা বুলি উল্লেখ কৰিছে। বিদেশী কাৰ্যকলাপৰ এই উত্থান অসম কংগ্ৰেছ নেতৃত্বৰ শেহতীয়া পৰিৱৰ্তনৰ লগত মিল থকা বুলি জোৰ দি শৰ্মাই ইয়াক অসমৰ ৰাজনীতিত বিদেশী জড়িত থকা বুলিও অভিযোগ অনিছে।
বিষয়টোক “ৰাষ্ট্ৰীয় নিৰাপত্তাৰ” বিষয় বুলি অভিহিত কৰি শৰ্মাই কয় যে কেন্দ্ৰীয় চৰকাৰক অৱগত কৰা হৈছে। অসমৰ আগন্তুক ২০২৬ বিধানসভা নিৰ্বাচনত ইয়াৰ প্ৰভাৱ পৰিব পাৰে বুলি তেওঁৰ মতে সমন্বিত ছ’চিয়েল মিডিয়া প্ৰচাৰৰ তদন্ত কৰিবলৈ কৰ্তৃপক্ষক আহ্বান জনায়।
উল্লেখ্য যে মুখ্য মন্ত্ৰীগৰাকীয়ে কংগ্ৰেছৰ নৱনিযুক্ত সভাপতি গৰাকীৰ লগতে তেওঁৰ পৰিয়ালৰ ওপৰতো প্ৰকাশ্যে এটাৰ পিছত এটা অভিযোগ উত্থাপন কৰি অহা পৰিলক্ষিত হৈছে।
