অল ইণ্ডিয়া মহিলা কংগ্ৰেছৰ সভানেত্ৰী সুস্মিতা দেব বুধবাৰে ক’ভিড পজিটিভ চিনাক্ত হৈছে।
শিলচৰ চিকিৎসা মহাবিদ্যালয় আৰু হস্পিটেলত ক’ভিড-১৯ৰ পৰীক্ষাত দেবক পজিটিভ পোৱা গৈছে।
শিলচৰৰ প্ৰাক্তন সাংসদগৰাকীয়ে টুইটাৰত সদৰী কৰা মতে তেওঁৰ দেহত এতিয়ালৈকে ক’ভিড-১৯ৰ লক্ষণে দেখা দিয়া নাই।
My report as signed by Department of Microbiology, Silchar Medical College, Cachar, Assam says I have tested positive for COVID 19. I am asymptomatic as of now. I thank everyone for their concern & calls. ??
— Sushmita Dev (@sushmitadevinc) July 8, 2020
অসমত বিশেষকৈ গুৱাহাটী মহানগৰত শেহতীয়াকৈ ব্যাপক হাৰত ক’ভিড ৰোগী চিনাক্ত হৈছে।
বুধবাৰৰ দিনটোত অসমত এই পৰ্য্যন্ত ছগৰাকী ক’ভিড ৰোগীৰ মৃত্যু হৈছে।
ইয়াৰে চাৰিগৰাকীয়েই গুৱাহাটীৰ।
ৰাজ্যত এতিয়ালৈকে মুঠ ১৩,৩৩৬ গৰাকী লোক আক্রান্ত হৈছে। বৰ্তমানলৈ ৮৩২৯গৰাকী লোক ক’ভিড মুক্ত হৈ ঘৰলৈ উভটিছে।
বৰ্তমান ৪১৭৪ গৰাকী লোক ৰাজ্যৰ বিভিন্ন চিকিৎসালয়ত চিকিৎসাধীন হৈ আছে।