কংগ্ৰেছ সভানেত্ৰী ছোনিয়া গান্ধীয়ে পুনৰ নৰেন্দ্ৰ মোদী নেতৃত্বাধীন এন ডি এ চৰকাৰক সমালোচনা কৰিছে।
নৰেন্দ্ৰ মোদী চৰকাৰক সমালোচনা কৰি ছোনিয়া গান্ধীয়ে কোভিড-১৯ৰ সংক্ৰমণৰ বাবে বিজেপি নেতৃত্বাধীন চৰকাৰখনে পুনৰ কংগ্ৰেছ চৰকাৰৰ এমজিএনৰেগা আঁচনিলৈ ঘুৰি আহিবলৈ বাধ্য হ’ল বুলি কয়।
‘‘নৰেন্দ্ৰ মোদী চৰকাৰে এমজিএনৰেগা আঁচনিক সম্পুৰ্ণৰূপে নিশেষ কৰাৰ বাবে চেষ্টা কৰিছিল কিন্তু ক’ৰ’না মহামাৰীয়ে অৰ্থনীতিৰ ওপৰত পেলোৱা প্ৰভাৱৰ বাবে পুনৰ তেওঁলোকে এমজিএনৰেগালৈ ঘুৰি আহিবলৈ বাধ্য হ’ল,’’ ছোনিয়া গান্ধীয়ে কয়।
আনহাতে, কংগ্ৰেছ সভানেত্ৰী গৰাকীয়ে বিজেপি চৰাকৰে কংগ্ৰেছ চৰকাৰৰ দিনৰ গাঁৱৰ সাহায্য আঁচনি এমজিএনৰেগাক অৰ্থহীন কৰাৰ বাবে কৰা প্ৰচেষ্টাৰ বাবেও সমালোচনা কৰে।
ছোনিয়া গান্ধীয়ে এমজিএনৰেগা আঁচনিৰ জৰিয়তে ভাৰতত লাখ লাখ লোকক অতি দুখীয়া অৱস্থাৰ পৰা উদ্ধাৰ কৰিবলৈ কংগ্ৰেছ নেতৃত্বাধীন য়ুপিএ চৰকাৰখন সক্ষম হৈছিল বুলিও লগতে কয়।
উল্লেখযোগ্য যে, নৰেন্দ্ৰ মোদী চৰকাৰে এমজিএনৰেগাত দুৰ্নীতি সংঘটিত হোৱাৰ অভিযোগ তুলি আঁচনিখন বন্ধ কৰি থৈছিল।
ক’ৰ’নাৰ সংক্ৰমণৰ বাবে দেশৰ লাখ লাখ শ্ৰমিক নিজ ৰাজ্যলৈ উভতি আহিবলগীয়া হোৱাত সেইসকল শ্ৰমিকক এমজিএনৰেগা আঁচনিৰ জৰিয়তে সংস্থাপন দিয়াৰ লক্ষ্য নিৰ্ধাৰণ কৰিছে কেন্দ্ৰ চৰকাৰে।