অসম প্ৰদেশ মহিলা কংগ্ৰেছে দিছপুৰ থানাত মুখ্যমন্ত্ৰী হিমন্ত বিশ্ব শৰ্মাৰ বিৰুদ্ধে অভিযোগ দাখিল কৰিছে।
শনিবাৰে মধ্যপ্ৰদেশৰ নিৰ্বাচনী প্ৰচাৰৰ সময়ত মহিলা ঘৃণামূলক ভাষণ দিয়া বুলি অভিযোগ উত্থাপন কৰি কংগ্ৰেছৰ সভানেত্ৰী মীৰা বৰঠাকুৰ গোস্বামীয়ে এই অভিযোগ দাখিল কৰে।
বৰঠাকুৰে তেওঁৰ এজাহাৰত অভিযোগ কৰে যে শৰ্মাই কংগ্ৰেছ নেতা তথা মধ্যপ্ৰদেশৰ প্ৰাক্তন মুখ্যমন্ত্ৰী কমল নাথক ভগৱান হনুমানে ৰামায়ণত যেনেদৰে লংকা জ্বলাই দিছিল, তেনেদৰে নতুন দিল্লীৰ ১০ জনপথ জ্বলাই দিবলৈ আহ্বান জনাইছিল।
লগতে পঢ়ক: ”যেতিয়াই সুযোগ পাইছিল, তেতিয়াই ব্ৰীজভূষণে…;! দিল্লী আৰক্ষীৰ ভাষ্যত বিপদত বিজেপি সাংসদ
১০ নং জনপথ কংগ্ৰেছ নেত্ৰী ছোনিয়া গান্ধীৰ বাসগৃহ আৰু যোৱা ১৮ ছেপ্টেম্বৰত মধ্যপ্ৰদেশৰ বিদিশা জিলাত অনুষ্ঠিত এক সমাৱেশৰ ভাষণত শৰ্মাই এই বক্তৱ্য দাঙি ধৰাৰ অভিযোগ উত্থাপন হৈছে।
‘হিন্দু ধৰ্মীয় আৱেগক টানি আনি সাম্প্ৰদায়িক ঘৃণা বিয়পোৱাৰ উদ্দেশ্যে এই ভাষণ প্ৰদান কৰা হৈছিল।’ অভিযোগত এইদৰে কোৱা হৈছে আৰু আইনৰ সংশ্লিষ্ট ধাৰাত গোচৰ পঞ্জীয়ন কৰিবলৈ আৰক্ষীক আহ্বান জনোৱা হৈছে।
বৰঠাকুৰে কয়, “সেই হিচাপে ১০ নং জনপথ জ্বলাই দিয়াৰ আহ্বানেৰে জনসাধাৰণক হিন্দু ধৰ্মীয় আৱেগ ব্যৱহাৰ কৰি অগ্নিসংযোগ আৰু সংঘৰ্ষত লিপ্ত হ’বলৈ কৰা এক মুকলি আমন্ত্ৰণ”।
লগতে পঢ়ক: চকুৰ সন্মুখতে পত্নীক ‘দলবদ্ধ ধৰ্ষণ’! অপমানত একেলগে বিহ সেৱন কৰি মৃত্যু সাৱটিলে দম্পতীয়ে
মধ্য প্ৰদেশত এই বক্তব্য দিয়া হৈছিল যদিও অসমত সুলভ ছপা, ইলেক্ট্ৰনিক আৰু ছ’চিয়েল মিডিয়াত এই বক্তব্য ব্যাপকভাৱে প্ৰচাৰ হৈছে বুলিও তেওঁ কয়।
অভিযোগ যে ‘সাম্প্ৰদায়িক ঘৃণা আৰু হিংসাত্মক কাৰ্যকলাপৰ প্ৰৰোচনাই অসমৰ জনসাধাৰণৰ আৱেগক নিশ্চিতভাৱে প্ৰভাৱিত কৰিব আৰু ধৰ্মৰ নামত ৰাজ্যখনৰ লগতে সমগ্ৰ দেশৰ শান্তিপূৰ্ণ পৰিৱেশ বিঘ্নিত কৰিব।’
লগতে পঢ়ক: প্ৰধানমন্ত্ৰী মোডীৰ কনভয়ৰ সন্মুখত জঁপিয়াই পৰি চিঞৰি উঠিল যুৱ বিজেপি কৰ্মী-‘চাকৰি দিয়ক’!
অসম বিধানসভাৰ বিৰোধী দলপতি দেৱব্ৰত শইকীয়াইও যোৱা ২০ ছেপ্টেম্বৰত মুখ্যমন্ত্ৰী শৰ্মাৰ বিৰুদ্ধে শিৱসাগৰ জিলাৰ নাজিৰা থানাত অভিযোগ দাখিল কৰিছিল যদিও এতিয়ালৈকে কোনো এজাহাৰ পঞ্জীয়ন হোৱা নাই।
