কেন্দ্ৰীয় মন্ত্ৰী প্ৰতাপ চন্দ্ৰ সাৰংগীয়ে বৃহস্পতিবাৰে মন্তব্য কৰে গোহত্যা আৰু নৰহত্যা সম অপৰাধ হিচাপে গণ্য কৰিব লাগে।
মন্ত্ৰীজনে কয় যে গোহত্যাত অভিযুক্ত এজন ব্যক্তিক অতি কমেও ১৫ বছৰলৈকে কাৰাদণ্ড প্ৰদান কৰিব লাগে।
উড়িষ্যাৰ বালাচ’ৰ সমষ্টিৰ পৰা ২০১৯ চনৰ লোকসভা নিৰ্বাচনত প্ৰথমবাৰৰ বাবে জয়লাভ কৰা সাৰংগীয়ে মোদী মন্ত্ৰীসভাৰ দুটাকৈ মন্ত্ৰীত্বৰ বাবত আছে।
ইয়াৰ পূৰ্বে ১৯৯৯ চনত অষ্ট্ৰেলিয়ান মিশ্যনেৰী গ্ৰাহাম ষ্টাইনছ আৰু তেওঁৰ দুজন কম বয়সীয়া সন্তানক হত্যা কৰাৰ অভিযোগত অপৰাধী হিচাপে ৰঙাঘৰৰ ভাত খোৱা সাৰংগী ২০০২ চনত বজৰং দলৰ উড়িষ্যাৰ ৰাজ্যিক সভাপতি আছিল।
তদুপৰি ৰাজহুৱা সম্পত্তি ধ্বংস, সাম্প্ৰদায়িক সংঘৰ্ষ আৰু হিংসা বিয়পোৱাৰ বিভিন্ন গোচৰত সাৰংগী অভিযুক্ত।
উল্লেখযোগ্য যে শেহতীয়াকৈ সাৰংগীৰ সমষ্টি বালাচ’ৰ জিলাত হোৱা ট্ৰাক দুৰ্ঘটনাত ২৮টাকৈ গৰুৰ মৃত্যু ঘটে আৰু এইসমূহ ট্ৰাকত ৰাপ্তানী কৰি নিয়া হৈছিল।
মন্ত্ৰীজনে কয় যে এই গৰুসমূহ নিঃসন্দেহে কলকাতা অথবা বাংলাদেশলৈ হত্যা কৰিবৰ বাবে নিয়া হৈছিল।
মৃত্যু হোৱা গৰুসমূহ অবৈধভাৱে কঢ়িয়াই নিয়া ট্ৰাকখনৰ স’তে জড়িত ব্যৱসায়ীসকলকো তেওঁ শাস্তিপ্ৰদানৰ দাবী জনায়।
উড়িষ্যাৰ মুখ্যমন্ত্ৰী নবীন পাটনায়কলে প্ৰেৰণ কৰা এক পত্ৰযোগে তেওঁ উড়িষ্যা গোহত্যা নিবাৰণী আইন ১৯৬০ৰ সংশোধন কৰিবলৈ দাবী জনায়।
আইনখনৰ মতে, এজন গোহত্যাকাৰীয়ে দুবছৰধৰি কাৰাদণ্ড ভুগিব লাগিব।
বালাচ’ৰৰ বাস্তাৰ ৬০নং ৰাষ্ট্ৰীয় ঘাইপথত সংঘটিত হোৱা দুৰ্ঘটনাটোত ২৮টা গৰুৰ মৃত্যু হোৱাৰ লগতে তিনিজন মানুহৰো মৃত্যু ঘটে।
