চশমা হৈছে চকু দুটাৰ সকলো অক্ষমতা আঁতৰাই ৰাখি দৃষ্টিশক্তিৰ স্পষ্টতা বজাই ৰাখিবলৈ যাৰ অত্যন্ত প্ৰয়োজন। কিন্তু এতিয়া আৰু হয়তো সেয়া নহ’বও পাৰে। কাৰণ এইবাৰ দেশত চশমাযোৰৰ বিকল্প পাব। মঙলবাৰে দেশৰ বজাৰত ইয়াৰ আত্মপ্ৰকাশ ঘটিছে। অৱশ্যে সকলো সমস্যাৰ সমাধান ইয়াৰ হাতত নাই। কেবল ৰিডিং গ্লাছক আঁতৰাই পেলাব পাৰে এই আই ড্ৰপে।
মুম্বাইৰ এনটড ফাৰ্মাচিউটিকেলে প্ৰস্তুত কৰিছে PresVu নামৰ আই ড্ৰপটো। ইয়াক প্ৰেছবাইপিয়াৰ (নিকট দৃষ্টিশক্তি) চিকিৎসাত ব্যৱহাৰ কৰা হয়। সাধাৰণতে চল্লিশৰ মাজভাগত এই ৰোগ হয়। আৰু ষাঠিৰ পিছত ই অতি বেয়া ৰূপ লয়।
ডিচিজিআইয়ে ইয়াৰ ব্যৱহাৰৰ বাবে চূড়ান্ত অনুমতি দিছে। ইয়াত ১.২৫ শতাংশ পাইল’চাৰ্মি হাইড্ৰক্লৰাইড আছে। চকুৰ বিভিন্ন সমস্যাত এই বনৌষধি যৌগ অতি উপকাৰী। বিশেষকৈ চকুৰ ৰক্তচাপ আৰু আই প্ৰেছাৰৰ দৰে সমস্যাত ফলপ্ৰসূ এই ঔষধ PresVu ত মিহলি কৰা হৈছে।
লগতে পঢ়কঃ জয় গুৰু শংকৰ, সৰ্বগুণাকৰ: আজি যুগস্ৰষ্টা মহাপুৰুষ শ্ৰীমন্ত শংকৰদেৱৰ তিৰোভাৱ তিথি
এতিয়ালৈকে চশমা (বা কনটেক্ট লেন্স) বা অস্ত্ৰোপচাৰৰ বাহিৰে নিকট দৃষ্টিশক্তিৰ সমস্যাৰ কোনো সমাধান নাছিল। এই ঔষধে এতিয়া সেইটো কাম কৰিব।
এই ড্ৰপটোৱে কেনেকৈ কাম কৰিব? জনা গৈছে যে ইয়াৰ এটা টোপালে মাত্ৰ ১৫ মিনিটতে কাম কৰিবলৈ আৰম্ভ কৰে। আৰু পৰৱৰ্তী ৬ ঘণ্টালৈকে ই কাম কৰি থাকে। যদি পৰৱৰ্তী টোপালটো তিনি-ছয় ঘণ্টাৰ পিছত দিয়া হয়, তেন্তে ই আৰু দীৰ্ঘসময় কাৰ্যকৰী হৈ থাকিব।
দাবী কৰা হৈছে যে ভাৰতত এই ধৰণৰ আই ড্ৰপে প্ৰথমবাৰৰ বাবে অনুমোদন লাভ কৰিছে। যাৰ ব্যৱহাৰে চল্লিশৰ উৰ্দ্ধৰ ৰিডিং গ্লাছ পিন্ধাৰ প্ৰয়োজনীয়তা হ্ৰাস কৰিব পাৰে। লগতে চকুৰ আৰ্দ্ৰতাও বৃদ্ধি কৰে। ইতিমধ্যে প্ৰস্তুতকাৰী কোম্পানীটোৱে পেটেণ্টৰ বাবে আবেদন জনাইছে।
লগতে পঢ়কঃ টীম ইণ্ডিয়াৰ মুখ্য প্ৰশিক্ষক গৌতম গম্ভীৰে দৰ্শন কৰিলে কামাখ্যা মন্দিৰ
২০২২ চনত ডিজিচিআইৰ ওচৰত আবেদন জনাইছিল প্ৰস্তুতকাৰক কোম্পানীটোৱে। সেই সময়ত তেওঁলোকক তৃতীয় পৰ্যায়ৰ ট্ৰায়েলৰ কথা কোৱা হৈছিল। দেখা যায় যে ২৭৪ জন ভাৰতীয়ৰ ভিতৰত ৮২ শতাংশতকৈ অধিক ভাৰতীয়ৰ আই ড্ৰপটো ব্যৱহাৰ কৰাৰ পিছত কোনো পাৰ্শ্বক্ৰিয়া দেখা নগ’ল। আন কিছুমানৰ চকু ৰঙা পৰা, দৃষ্টিশক্তি ধূসৰ হোৱা বা মূৰৰ বিষৰ দৰে ক্ষণস্থায়ী পাৰ্শ্বক্ৰিয়া দেখা গৈছিল বুলি কোৱা হৈছে।
