জোনাইৰ মুৰ্কংচেলেঙ ৰে’ল ষ্টেশ্যনত বৃহস্পতিবাৰে যাত্ৰীবাহী ৰে’লৰ ভিতৰত এগৰাকী যুৱকৰ মৃতদেহ উদ্ধাৰ হোৱাক কেন্দ্ৰ কৰি তীব্ৰ চাঞ্চল্যৰ সৃষ্টি হয়।
মৃত যুৱক গৰাকী ৩ নং মুৰ্কংচেলেঙ গাঁৱৰ তনুৰাম পাতৰৰ পুত্ৰ গোবিন্দ পাতৰ বুলি চিনাক্ত কৰা হয়।
লাচিত এক্সপ্ৰেছ যাত্ৰীবাহী ৰে’লখনৰ ডবাৰ ভিতৰত গোবিন্দ পাতৰ নামৰ যুৱক গৰাকীৰ মৃতদেহটো উদ্ধাৰ হয়।
জানিব পৰা মতে, গোবিন্দ পাতৰে গুৱাহাটীৰ কামাখ্যা জংচনৰ পৰা লাচিত এক্সপ্ৰেছত জোনাইলৈ আহি আছিল।
ৰে’লখনত যাত্ৰা কৰি থকা যাত্ৰী সকলে ৰে’লৰ ডবাৰ ভিতৰত যুৱক গৰাকীক মৃত অৱস্থাত প্ৰত্যক্ষ কৰি আৰক্ষীক খবৰ কৰে।
পৰৱৰ্তী সময়ত ঘটনাস্থলীত আৰক্ষীৰ দল উপস্থিত হৈ মৃতদেহ উদ্ধাৰ কৰি মৰণোত্তৰ পৰীক্ষাৰ বাবে প্ৰেৰণ কৰে।
কি কাৰণত যুৱক গৰাকীৰ মৃত্যু হ’ল সেই সম্পৰ্কে বৰ্তমানলৈ জানিব পৰা হোৱা নাই যদিও আৰক্ষীয়ে তদন্ত অব্যাহত ৰাখিছে।
চলন্ত যাত্ৰীবাহী ৰে’লৰ ভিতৰত যুৱকৰ মৃতদেহ উদ্ধাৰ হোৱা ঘটনাৰ পাছত যাত্ৰীবাহী ৰে’লৰ ভিতৰত যাত্ৰী সকলৰ সুৰক্ষাৰ দিশটোক লৈ পুনৰবাৰ ৰে’ল যাত্ৰী সকলৰ মনৰ মাজত সংশয়ৰ সৃষ্টি হৈছে।
