বাক্সাৰ নাগ্ৰীজুলিত মৃত হৰিণা উদ্ধাৰ। নাগ্ৰীজুলিৰ ২নং বগৰীখুটিত উদ্ধাৰ হৈছে মৃত হাৰিণাটো।
আজি আবেলি বাক্সাৰ নাগ্ৰীজুলিৰ ২ নং বগৰীখুটিৰ বালুখুন্দাত উদ্ধাৰ হয় মৃত হৰিণাটো।
জানিব পৰা মতে পাহাৰৰ পৰা বাল্টি নদীৰ বুকুৱেদি নামি আহিছিল হাৰিণাটো।
প্ৰত্যক্ষদর্শীৰ মতে হৰিণাটো পাহাৰৰ দিশৰ পৰা বাল্টি নদীৰে আহি ২ নং বগৰীখুটি গাঁওত প্ৰৱেশ কৰে আৰু গছত খুন্দা মাৰি এটি পৰিয়ালৰ পুখুৰীৰ পাৰত পৰি মৃত্যুক সাৱটি লয়।
স্থানীয় ৰাইজে কুমাৰীকাটা বনাঞ্চলিক বিষয়াৰ কাৰ্য্যালয়ত খবৰ দিয়াত বন বিভাগৰ বিষয়া- কৰ্মচাৰী ঘটনাস্থলীত উপস্থিত হৈ মৃত হৰিণাটো উদ্ধাৰ কৰে।
পিছত মৃত হৰিণাটো বনাঞ্চলিক বিষয়াৰ কুমাৰীকাটাস্থিত কাৰ্যালয়লৈ লৈ অনা হয়।
বন বিভাগে মৃত হৰিণাটোৰ মৰণোত্তৰ পৰীক্ষাৰ ব্যৱস্থা কৰিছে।
মৰণোত্তৰ পৰীক্ষাৰ পিছতহে ওলাব কি কাৰণত মৃত্যু হৈছে হৰিণাটোৰ।
