দিল্লীৰ মুখ্যমন্ত্ৰী অৰৱিন্দ কেজৰিৱাল কৰ’নাত আক্ৰান্ত হৈছে। নিজেই টুইট কৰি এই কথা জানিব দিছে মুখ্যমন্ত্ৰীগৰাকীয়ে। সদ্যহতে তেওঁৰ স্বাস্থ্যৰ অৱস্থা সুস্থিৰ বুলি কোৱা হৈছে আৰু হোম আইছ’লেশ্যনতে আছে মুখ্যমন্ত্ৰীগৰাকী।
মঙলবাৰে পুৱাই এটা টুইট কৰি কেজৰিৱা লে লিখিছে,’’মই কোভিড পজিটিভ হৈছো। সামান্য উপসৰ্গ আছে। ঘৰতেই আইছ’লেশ্যনত আছো। যিসকলে যোৱা কেইদিনত মোৰ সংস্পৰ্শলৈ আহিছিল অনুগ্ৰহ কৰি নিজকে আইছ’লেশ্যন কৰি ৰাখক আৰু কোভিড টেষ্ট কৰি লওক।‘’
উল্লেখ্য যে সন্মুখত উত্তৰ প্ৰদেশৰ নিৰ্বাচন আৰু সকলো ৰাজনৈতিক দলেই নিৰ্বাচনী প্ৰচাৰত ব্যস্ত আছে। আম আদমী পাৰ্টিৰ মুৰব্বী কেজৰিৱালো যোৱা দুদিন তাত নিৰ্বাচনী প্ৰচাৰত ব্যস্ত আছিল।
I have tested positive for Covid. Mild symptoms. Have isolated myself at home. Those who came in touch wid me in last few days, kindly isolate urself and get urself tested
— Arvind Kejriwal (@ArvindKejriwal) January 4, 2022
কেজৰিৱালে যোৱা দেওবাৰে লক্ষ্ণৌৰ এখন সমাৱেশত উপ স্থিত আছিল। তাত বিজেপিআৰু সমাজবাদী পাৰ্টিক তীব্ৰ আক্ৰমণৰ লক্ষ্য কৰি লৈছিল কেজৰিৱালে।
সেইদৰে, সোমবাৰে ডেৰাডুনত দলৰ ‘নৱ পৰিৱৰ্তন’ সভাতো অংশগ্ৰহণ কৰিছিল দিল্লীৰ মুখ্যমন্ত্ৰীগৰাকীয়ে।
