বৃহস্পতিবাৰে দিল্লী আৰক্ষীয়ে জানিবলৈ দিয়ে যে এয়াৰ ইণ্ডিয়াৰ এখন উৰন্ত বিমানৰ বিজনেছ ক্লাছত এগৰাকী মহিলা সহযাত্ৰীৰ ওপৰত মূত্ৰ বিসৰ্জন কৰি চাঞ্চল্যৰ সৃষ্টি কৰা ব্যক্তিজন মুম্বাইৰ বাসিন্দা আৰু তেওঁক শীঘ্ৰেই গ্ৰেপ্তাৰ কৰা হ’ব। দিল্লী আৰক্ষীয়ে কয় যে ব্যক্তিগৰাকী মুম্বাইৰ বাসিন্দা যদিও তেওঁৰ সম্ভাৱ্য স্থিতি আন ৰাজ্যত দেখুৱাইছে আৰু আৰক্ষী ইতিমধ্যে তাত উপস্থিত হৈছে। আমি শীঘ্ৰেই তেওঁক গ্ৰেপ্তাৰ কৰিম।
অভিযুক্ত ব্যক্তিগৰাকীক শংকৰ মিশ্ৰ বুলি চিনাক্ত কৰা হৈছে। অভিযুক্ত মিশ্ৰই ভাৰতৰ ওৱেলছ ফাৰ্গোৰ উপ-সভাপতি হিচাপে কাৰ্যনিৰ্বাহ কৰি আছে। ইতিমধ্যে তেওঁক ৩০ দিনৰ বাবে বিমান চলাচলত বাধা দিয়া হৈছে।
উল্লেখ্য যে এয়াৰ ইণ্ডিয়াৰ এখন উৰন্ত বিমানৰ ভিতৰত এগৰাকী মহিলা সহযাত্ৰীৰ ওপৰত মূত্ৰ বিসৰ্জন কৰি চাঞ্চল্যৰ সৃষ্টি কৰে এক সুৰাপায়ী ব্যক্তিয়ে। সম্প্ৰতি পোহৰলৈ অহা এই ঘটনা সংঘটিত হৈছিল যোৱা বৰ্ষৰ নৱেম্বৰ মাহত। এয়াৰ ইণ্ডিয়াৰ বিমানখনৰ বিজনেছ ক্লাছত মহিলাগৰাকীৰ ওপৰত প্ৰস্ৰাৱ কৰে ব্যক্তিগৰাকীয়ে।
লগতে পঢ়ক: শ্বুটিং সম্পূৰ্ণ হোৱাই নাই, ১০০ কোটি টকাত বিক্ৰী হ’ল দক্ষিণৰ চলচ্চিত্ৰৰ হিন্দী স্বত্ব!
কিন্তু বিমান অৱতৰণৰ পাছত এই ঘটনা সংঘটিত কৰা ব্যক্তিগৰাকী কোনো ধৰণৰ ব্যৱস্থাৰ সন্মুখীন নোহোৱাকৈয়ে বিমানবন্দৰৰ পৰা ওলাই যায়। এই ঘটনাৰ কেইসপ্তাহমান পিছতে এয়াৰ ইণ্ডিয়াই ভদ্ৰলোকৰ মুখাপিন্ধা ব্যক্তিগৰাকীক ন’ ফ্লাই লিষ্টত স্থান দিবলৈ পৰামৰ্শ দিছিল।
অসামৰিক বিমান পৰিবহণ সঞ্চালকালয়ে ঘটনা সন্দৰ্ভত বিমান সংস্থা এয়াৰ ইণ্ডিয়াক প্ৰতিবেদন দাখিল কৰিবলৈ নিৰ্দেশ দিছিল। সঞ্চালকালয়ে অভিযুক্ত ব্যক্তিগৰাকীৰ এনে দুষ্কাৰ্যৰ ওপৰত ব্যৱস্থা গ্ৰহণৰ ক্ষেত্ৰত গাফিলতি কৰাৰ প্ৰমাণিত হোৱা বিষয়াসকলৰ বিৰুদ্ধেও ব্যৱস্থা গ্ৰহণ কৰা হ’ব বুলি লগতে উল্লেখ কৰিছিল।
জানিব পৰা মতে, ২৬ নৱেম্বৰত নিউয়ৰ্কৰ পৰা দিল্লী অভিমুখী এয়াৰ ইণ্ডিয়াৰ বিমানখনৰ বিজনেছ ক্লাছত মদ্যপান কৰা যাত্ৰীগৰাকীয়ে ৭০ বৰ্ষীয় মহিলা সহযাত্ৰী গৰাকীৰ ওপৰত প্ৰস্ৰাৱ কৰাৰ অভিযোগ উত্থাপন হৈছিল।
লগতে পঢ়ক: আফগানিস্তানত তালিবান চৰকাৰৰ বাহিনীৰ অভিযানত ৮ জন ইছলামিক ষ্টেটৰ সন্ত্ৰাসবাদী নিহত
মহিলাগৰাকীয়ে বিমানৰ কৰ্মচাৰীসকলক এই ঘটনাৰ অভিযোগ কৰি তেওঁৰ কাপোৰ, জোতা, বেগ প্ৰস্ৰাৱত তিতি যোৱা বুলি জানিবলৈ দিয়ে। মহিলাগৰাকীৰ অভিযোগৰ পিছত বিমান কৰ্মচাৰীসকলে তেওঁক আন কাপোৰ আৰু চেণ্ডলৰ যোগান ধৰে আৰু নিজ আসনলৈ উভতি যাবলৈ কয়।
বিমানখন দিল্লীত অৱতৰণ কৰাৰ পিছত অভিযুক্ত সুৰাপায়ী যাত্ৰীগৰাকীয়ে তেওঁৰ এই দুষ্কাৰ্যৰ কোনো শাস্তিৰ সন্মুখীন নোহোৱাকৈয়ে বিমানবন্দৰৰ পৰা ওলাই যায় বুলি অভিযোগ উঠিছিল। বাতৰি অনুসৰি, মহিলাগৰাকীয়ে টাটা গ্ৰুপৰ অধ্যক্ষ এন চন্দ্ৰশেখনলৈ পত্ৰ প্ৰেৰণ কৰাৰ পিছতহে বিমান সংস্থাটোৱে এই সন্দৰ্ভত ব্যৱস্থা গ্ৰহণ কৰে।
আনহাতে মহিলাগৰাকীয়ে পত্ৰখনত আন এক অভিযোগো উত্থাপন কৰিছিল। এই অভিযোগ অনুসৰি তেওঁ প্ৰস্ৰাৱ পৰি থকা আসনখনত বহিব নিবিচৰাৰ বাবে তেওঁক বিমানৰ ক্ৰু চিট দিয়া হৈছিল। কিন্তু এঘণ্টাৰ পাছত ক্ৰু’ৱে তেওঁক চাদৰেৰে ঢাকি থোৱা পূৰ্বৰ আসনলৈ উভতি যাবলৈ কৈছিল।
লগতে পঢ়ক:তেওঁৰ পত্নী মেগানৰ সন্মুখতে গাত হাত তুলিছিল ভাতৃ উইলিয়ামে; গ্ৰন্থত লিখিলে প্ৰিন্স হেৰীয়ে!
প্ৰস্ৰাৱৰ গোন্ধ ওলাই থকা আসনখনত ক্ৰুৱে বীজাণুনাশক স্প্ৰে’ কৰি দিয়ে যদিও তেওঁ আসনখনত বহিবলৈ দৃঢ়তাৰে অস্বীকাৰ কৰিছিল আৰু অৱশেষত তেওঁক আন এখন আসন দিয়া হয় মহিলাগৰাকীয়ে লগতে বিজনেছ ক্লাছৰ বহু আসন খালী হৈ থকাৰ পিছতো তেওঁক আন এখন আসন দিয়া হোৱা নাছিল বুলি অভিযোগ কৰিছিল।
এয়াৰ ইণ্ডিয়াৰ বিমানৰ বিজনেছ ক্লাছত যোৱা লোকসকলক আভিজাত্যশীল ধনাঢ্য ব্যক্তি হিচাপে জনা যায় যদিও এনে বহু ভদ্ৰলোকৰ মুখাৰ আঁৰত থকা জঘন্য মুখখন কেতিয়াবা খোল খাই পৰে।