Rajpath and Central Vista lawns to be renamed পুনৰ নাম সলনিৰ জোৱাৰ! এইবাৰ দিল্লীৰ ৰাজপথ আৰু কেন্দ্ৰীয় ভিষ্টা লনৰ নাম সলনি কৰাৰ সিদ্ধান্ত লৈছে কেন্দ্ৰীয় চৰকাৰে। সোমবাৰে কেন্দ্ৰই কয় যে বিখ্যাত পথটো এতিয়া কৰ্তব্য পথ হিচাপে জনাজাত হ’ব।
নাম সলনিৰ প্ৰয়োজনীয়তা সন্দৰ্ভত মঙলবাৰে এখন বিশেষ সভাও অনুষ্ঠিত হোৱাৰ কথা আছে। প্ৰধানমন্ত্ৰী নৰেন্দ্ৰ মোদীয়ে স্বাধীনতা দিৱসত দেশবাসীক এক বিশেষ বাৰ্তা প্ৰদান কৰিছিল। তেওঁ কৈছিল যে ঔপনিৱেশিক মানসিকতাৰ পৰা ওলাই অহাৰ সময় আহি পৰিছে। সেই ভাষণত তেওঁ ব্ৰিটিছ কালত কৰা বিভিন্ন বস্তুৰ আৱৰণ সলনি কৰাৰ ইংগিত দিছিল।
লগতে পঢ়ক: দিল্লীত পুনৰ অপাৰেছন লোটাছৰ কুচকাৱাজ বিজেপিৰ! আজি সাক্ষাৎ কৰিব ৰাষ্ট্ৰপতি মুৰ্মুক
শেহতীয়াকৈ দেশৰ নৌসেনাক নতুনকৈ গঢ়ি তোলা হৈছে। ভাৰতীয় নৌসেনাৰ পতাকাত পৰিৱৰ্তন অনা হৈছে। মাৰাঠা নায়ক ছত্ৰপতি শিৱাজীৰ ‘ৰাজমুদ্ৰা’ই নৌসেনাৰ পতাকাত ব্ৰিটিছ যুগৰ প্ৰতীক ছেইণ্ট জৰ্জ ক্ৰছৰ স্থান লৈছে।
কেন্দ্ৰই কৈছে যে নেতাজীৰ প্ৰতিমূৰ্তিৰ পৰা ৰাষ্ট্ৰপতি ভৱনলৈ যোৱা গোটেই পথটো ‘কৰ্তব্যৰ পথ’ হিচাপে পুনৰ নামকৰণ কৰা হ’ব। দিল্লীৰ চেণ্ট্ৰেল ভিষ্টা এভিনিউ পুনৰ এটা নতুন ৰূপত মুকলি হ’বলৈ গৈ আছে।
লগতে পঢ়ক: অন্ধবিশ্বাসৰ ভয়ংকৰ পৰিণতি; ডাইনী সন্দেহত তিনিগৰাকী মহিলাক প্ৰহাৰ কৰি হত্যা
বৰ্তমান ইণ্ডিয়া গেটৰ সন্মুখৰ ৰাস্তা ৰূপ সলনি হৈছে। জানিব পৰা গৈছে যে নতুন ৰাজপথটো ৮ ছেপ্টেম্বৰত ৰাইজৰ বাবে মুকলি কৰা হ’ব।
