ঝাৰখণ্ডত ২০০০ চনৰ পৰা প্ৰায় ১,০০০ লোকক ডাইনীৰ সন্দেহত প্ৰহাৰ কৰি হত্যা কৰা হৈছে। ঝাৰখণ্ড আৰক্ষীৰ প্ৰতিবেদন অনুসৰি এই এহাজাৰ লোকৰ ভিতৰত ৯০ শতাংশই হৈছে মহিলা। হিচাপ কৰিলে প্ৰতিদিনে গড়ে ৩জনকৈ লোক এনে ঘটনাৰ বলি হৈছে।
যি সময়ত মানুহ মহাকাশলৈ গৈছে সেই সময়ত একাংশ মানুহ এতিয়াও অন্ধবিশ্বাসত বুৰ গৈ আছে। কিছুমান মিছা অভিযোগ আৰু শিক্ষাৰ অভাৱৰ বাবে মানুহে ইজনে সিজনৰ জীৱন কাঢ়ি লৈছে।
লগতে পঢ়ক: ‘কুমাৰীত্বৰ পৰীক্ষা’ত ব্যৰ্থ হোৱা বাবেই মহিলাক ১০ লাখ টকাৰ জৰিমনা খাপ পঞ্চায়তৰ
শেহতীয়াকৈ ঝাৰখণ্ডৰ ৰাজধানী ৰাঁচীত এনে এক হৃদয় বিদাৰক ঘটনা পোহৰলৈ আহিছে। ঘটনাটো ৰাঁচীৰ ৰাণাদি নামৰ এখন গাঁৱত সংঘটিত হৈছে।
আৰক্ষীৰ সূত্ৰ অনুসৰি, সাপে কামোৰাৰ পিছত ৰাজকিশোৰ মুণ্ডা নামৰ এজন ল’ৰাক চিকিৎসকৰ ওচৰলৈ লৈ যোৱাৰ পৰিৱৰ্তে গাওঁবাসীয়ে বেজৰ ওচৰলৈ লৈ যায়। বেজে জাৰি-ফুকি ৰাজকিশোৰক বচাবলৈ চেষ্টা কৰে যদিও তেওঁ বিফল হয়।
বেজৰ দাবী যে গাওঁখনৰ ওপৰত ডাইনীসকলৰ কুদৃষ্টি পৰিছে। তেওঁ লগতে কয় যে গাওঁখন ডাইনীসকলৰ অভিশাপৰ দ্বাৰা অভিশপ্ত হৈ পৰাৰ বাবে ল’ৰাজনক বচাব পৰা নগ’ল।
লগতে পঢ়ক: দিল্লীত পুনৰ অপাৰেছন লোটাছৰ কুচকাৱাজ বিজেপিৰ! আজি সাক্ষাৎ কৰিব ৰাষ্ট্ৰপতি মুৰ্মুক
কেইদিনমানৰ পিছত একেখন গাঁৱতে আন এটা শিশুক সাপে কামোৰে। কিন্তু এইবাৰ শিশুটোক চিকিৎসা কৰি সুস্থ কৰি তোলা হয়। এই ঘটনাৰ পিছত গাওঁবাসীসকল নিশ্চিত হয় যে গাওঁখনত ডাইনীসকলৰ কুদৃষ্টি আছে।
ইয়াৰ পিছতেই গাওঁখনৰ বাসিন্দাই ৪৫ বছৰীয়া ৰাইলু দেৱী, ৬০ বছৰীয়া ধোলি দেৱী আৰু আলমণি দেৱীক ডাইনী সন্দেহত লাঠিৰে প্ৰহাৰ কৰি হত্যা কৰে। জানিব পৰা মতে মৃতসকলৰ এগৰাকীৰ স্বামী আৰু পুত্ৰও ঘটনাটোত জড়িত হৈ আছে।
স্থানীয় আৰক্ষীয়ে খবৰটো পোৱাৰ লগে লগে ততাতয়াকৈ ঘটনাস্থলীত গৈ উপস্থিত হয়। কিন্তু গাওঁখনত প্ৰৱেশ কৰাৰ লগে লগে গাওঁবাসীয়ে তেওঁলোকক বাধা দিয়ে। তেওঁলোকে তদন্তত কোনো সহায় নকৰিলে। প্ৰশ্ন কৰিও কোনো উত্তৰ নাপালে।
লগতে পঢ়ক: নোবেল বিজয়ী সাংবাদিক মুৰাটভৰ বাতৰিকাকতৰ অনুজ্ঞাপত্ৰ বাতিল কৰিলে ৰাছিয়াই
অৱশেষত ঝাৰখণ্ডৰ সোনাহাটু আৰক্ষী থানাৰ ওচৰৰ ৰাণাদি গাঁৱৰ এখন অৰণ্যত দুজনী মহিলাৰ মৃতদেহ উদ্ধাৰ হোৱাৰ পিছত ব্যৱস্থা লোৱা হৈছে। বৰ্তমান গাওঁবাসীসকলৰ ওপৰত তীক্ষ্ণভাৱে দৃষ্টি ৰখা হৈছে তৃতীয়টো মৃতদেহৰ সন্ধানত অভিযান অব্যাহত আছে।