ভোটাৰ তালিকাৰ বিশেষ সংশোধনী প্ৰক্ৰিয়াত হোৱা অনিয়মৰ অভিযোগ তুলি বৃহস্পতিবাৰে বেংগালুৰুৰ ফ্ৰীডম পাৰ্কত ককৰোচ জনতা পাৰ্টীয়ে মুখ্য নিৰ্বাচন আয়ুক্ত জ্ঞানেশ কুমাৰৰ বিৰুদ্ধে এক বিশাল প্ৰতিবাদী কাৰ্যসূচী ৰূপায়ণ কৰে। এই প্ৰতিবাদত অভিনেতা তথা সমাজকৰ্মী প্ৰকাশ ৰাজ আৰু জনপ্ৰিয় ইউটিউবাৰ ধ্ৰুৱ ৰাঠীয়ে চিজেপিৰ নেতা অভিজিৎ ডিপকেৰ সৈতে একেলগে এখন ‘জনতাৰ আদালত’ অনুষ্ঠিত কৰে। প্ৰতিবাদকাৰীসকলে “এছআইআৰ বাতিল কৰক” আৰু “জ্ঞানেশ কুমাৰ গাদী এৰক” আদি শ্লোগানেৰে সমগ্ৰ ফ্ৰীডম পাৰ্কৰ পৰিৱেশ উত্তাল কৰি তোলে।
বৃহস্পতিবাৰে পুৱাৰে পৰা বেংগালুৰুৰ ফ্ৰীডম পাৰ্কত বিভিন্ন সমাজকৰ্মী আৰু অসামৰিক সমাজৰ সংগঠনৰ লোকসকল একত্ৰিত হ’বলৈ আৰম্ভ কৰে। দুপৰীয়া প্ৰায় ১ বজাত চিজেপিৰ নেতা অভিজিৎ ডিপকে, সৌৰভ দাস আৰু আশুতোষ ৰাংকা অনুষ্ঠানস্থলীত উপস্থিত হয়। মঞ্চত চিজেপিৰ নেতাসকলৰ লগতে প্ৰকাশ ৰাজ আৰু ধ্ৰুৱ ৰাঠীয়ে একেলগে হাত দাঙি প্ৰতিবাদকাৰীসকলৰ সৈতে “ভোট চোৰ, ভোট চোৰ” শ্লোগান দিয়ে। জনতাৰ আদালতৰ পাছতেই প্ৰতিবাদকাৰীসকলে এটা ‘চপ্পল প্ৰতিবাদ’ কাৰ্যসূচীও ৰূপায়ণ কৰিব বুলি জানিবলৈ দিয়ে।
প্ৰতিবাদী জনতাক উদ্দেশ্যি দিয়া ভাষণত অভিনেতা প্ৰকাশ ৰাজে দাবী কৰে যে নিৰ্বাচন আয়োগে এছআইআৰ প্ৰক্ৰিয়াৰ জৰিয়তে সমগ্ৰ দেশক অপমানিত কৰিছে। তেওঁ লগতে কয় যে এখন দেশত সাধাৰণতে জনসাধাৰণে চৰকাৰ গঠনৰ সিদ্ধান্ত লয়, কিন্তু এছআইআৰৰ জৰিয়তে এতিয়া চৰকাৰেহে কোনে ভোট দিব সেয়া নিৰ্ধাৰণ কৰিবলৈ ওলাইছে।
#Watch | YouTuber Dhruv Rathee, actor Prakash Raj and CJP founder Abhijeet Dipke join the protest against SIR in at Freedom Park in #Bengaluru on October 8. Dipke started his speech by asking protestors to raise the slogan “Narendra Modi Vote Chor”.
📹: @NRC_Tweets
https://t.co/DGQg1S0OSn
— The Hindu (@the_hindu) October 8, 2026
