ক্লাছৰুম বা মিটিঙত বহি থাকিলে টোপনি আহে নেকি? জানি লওঁক চকু খুলি ৰখা এইকেইটা টিপছ
কৰ্মস্থলীত, শ্ৰেণীকোঠা বা সভাত দীঘলীয়া সময় বহি থাকিলে বহুতৰে চকু জাপ খাই আহে।
বিশেষকৈ দুপৰীয়াৰ আহাৰ খোৱাৰ পিছত কৰ্মস্থলীত, শ্ৰেণীকোঠা বা সভাত শ্ৰুোতাসকলৰ চকু জাপ খাই আহে। যিয়ে আপোনাৰ সন্মান লাঘৱ কৰাৰ লগতে কেৰিয়াৰতো কু-প্ৰভাৱ পেলাব পাৰে।
সেয়েহে, আপোনাৰ ক্লান্তি আৰু টোপনিক বিদায় দি যিকোনো সভাত সক্ৰিয় হৈ থাকিব পৰাকৈ আজি আমি দিব খুজিছোঁ কেইটামান টিপছ –
আপুনি এটা সামঞ্জস্যপূৰ্ণ টোপনিৰ সময়সূচী তৈয়াৰ কৰিব লাগিব। শোৱাৰ আগতে কেফেইন আৰু ইলেক্ট্ৰনিক যন্ত্ৰ পৰিহাৰ কৰক আৰু আৰামদায়ক টোপনিৰ পৰিৱেশ সৃষ্টি কৰক। প্ৰতিদিনে ৭-৯ ঘণ্টা নিৰৱচ্ছিন্নভাবে টোপনি যাবলৈ চেষ্টা কৰক। ৭/৮ ঘন্টা আৰামৰ টোপনিৰ পিছত আপুনি সতেজ অনুভৱ কৰি সাৰ পাব আৰু দিনটোৰ বাবে সজাগ হৈ থাকিব পাৰিব।
নিয়মীয়া ব্যায়াম দৈনন্দিন জীৱনত অন্তৰ্ভুক্ত কৰক। দুপৰীয়াৰ আহাৰ গ্ৰহণৰ সময়ত খৰকৈ খোজ কাঢ়ক। মাজে মাজে কৰ্মস্থলীত ষ্ট্ৰেচিং ব্যায়াম কৰক। এনে গতিবিধিয়ে তেজৰ সোঁতক উদ্দীপিত কৰে আৰু আপোনাৰ মগজুক অক্সিজেন প্ৰদান কৰে, যাৰ ফলত আপুনি গোটেই দিনটো সজাগ আৰু শক্তিশালী হৈ থাকিব।
কামৰ মাজত চুটি বিৰতি লওক। কামৰ মাজত স্বাস্থ্যকৰ লঘু আহাৰ গ্ৰহণ কৰক। কামৰ মাজত বা সভাত বহি থাকিলে দীঘলকৈ উশাহ-নিশাহ লওক।
ইয়াৰ উপৰিও আপোনাৰ ইন্দ্ৰিয়সমূহক উদ্দীপিত কৰা উপাদানসমূহ, যেনে লেহেমীয়া সংগীত, সুখদায়ক গোন্ধ আদি অন্তৰ্ভুক্ত কৰাৰ কথা চিন্তা কৰক। ই আপোনাৰ মগজুক সক্ৰিয় কৰি ৰাখিব।