চলিত সপ্তাহৰ আৰম্ভণিতে দিল্লী বিমানবন্দৰত এজন বৃদ্ধক কাৰ্ডিঅ’পালমোনাৰী ৰিচাইচিটেচন (চিপিআৰ) কৰি ৰক্ষা কৰা এগৰাকী চিকিৎসকে তেওঁক কেনেদৰে সহায় কৰিছিল সেই বিষয়ে শ্বেয়াৰ কৰিছে।
এই ঘটনাৰ পাছত প্ৰথম প্ৰতিক্ৰিয়াত সংবাদ সংস্থা এএনআইক ডাঃ প্ৰিয়াই কয় যে- “ভগৱানৰ ঠাই কোনেও ল’ব নোৱাৰে। আমি কেৱল ঈশ্বৰৰ প্ৰতিনিধি। তেওঁৰ কৃপা আৰু তেওঁৰ সংকেতত আমি যিকোনো কাম কৰিব পাৰো।’
ৰাজস্থানৰ আজমেৰৰ বাসিন্দা ডাঃ প্ৰিয়াই দিল্লীৰ ইন্দিৰা গান্ধী আন্তঃৰাষ্ট্ৰীয় বিমানবন্দৰৰ টাৰ্মিনেল ২ত নিজৰ বিমানৰ বাবে অপেক্ষা কৰি আছিল যেতিয়া এই ঘটনা সংঘটিত হয়। এএনআইৰ সৈতে হোৱা কথা-বতৰাত ডাঃ প্ৰিয়াই কয় যে তেওঁ আৰু তেওঁৰ স্বামীয়ে বিমানবন্দৰত হাৰ্ট এটেকত আক্ৰান্ত হৈ এজন বৃদ্ধ লোকক পৰা দেখিছিল।
বিমানবন্দৰৰ কৰ্মচাৰীক আহ্বান জনোৱাৰ সময়ত চিকিৎসকজনে লোকজনৰ বুকু পাম্প কৰি থকা এটা ভিডিঅ’ যোৱা ১৭ জুলাইত ভাইৰেল হৈছিল।আন এটা ক্লিপত দেখা গৈছে যে চিকিৎসকে চিপিআৰ কৰি থকাৰ সময়তে লোকজনে চেতনা ঘূৰাই পাইছিল। ভিডিঅ’ ভাইৰেল হোৱাৰ লগে লগে ছ’চিয়েল মিডিয়া ব্যৱহাৰকাৰীসকলে চিকিৎসকজনক হাত চাপৰি বজাই লোকজনৰ জীৱন ৰক্ষা কৰাৰ বাবে কৃতজ্ঞতা প্ৰকাশ কৰিছিল।
তেওঁৰ অৱস্থাৰ অৱনতি ঘটাৰ লগে লগে চিকিৎসকে তেওঁক চিপিআৰ কৰাৰ সিদ্ধান্ত লয় আৰু তেওঁৰ জীৱন ৰক্ষা কৰিবলৈ সক্ষম হয়।
