বিশ্বৰ এতিয়াও বহু লোক পৰম্পৰা বা কিছু অন্ধবিশ্বাসত নিমজ্জিত। বছৰ বছৰ ধৰি চলি অহা কিছু অন্ধ-বিশ্বাসে প্ৰায় লোকৰে মন-মগজুত এতিয়াও ক্ৰিয়া কৰি থাকে।
বহু লোকে নিজা ধৰণে কিছু ধাৰণাৰ সৃষ্টি কৰি লোৱা পৰিলক্ষিত হয়। উদাহৰণ স্বৰূপে, বহুতেই ভাৱে যদি হাতৰ পৰা গাখীৰ পৰে তেন্তে সেয়া অশুভ। যদি আইনা পৰি ভাগে তেন্তে সেয়া শুভ।
আনহাতে ভাৰতৰ অধিকাংশ লোকেই যাত্ৰা কৰি থাকিলে সন্মুখেৰে মেকুৰী পাৰ হৈ গ’লে সেয়া অত্যন্ত অশুভ বুলি গণ্য বা বিশ্বাস কৰে।
এনেধৰণৰ বিশ্বাস আৰু পৰম্পৰা বহু আছে।
গভীৰ নিশা আপোনাৰ ঘৰৰ বাহিৰত বা ৰাস্তাত কুকুৰে কিয় ভুকে বা কান্দে তাক লৈও বিভিন্নজনে বিভিন্ন ধাৰণা মনত পুহি ৰাখিছে যদিও আজি আমি ইয়াৰ বৈজ্ঞানিক কাৰণ জনাম।
কুকুৰে নিশা কন্দা বা ভুকাৰ বৈজ্ঞানিক কাৰণ আছে। কুকুৰে যেতিয়া অকলশৰীয়া অনুভৱ কৰে তেতিয়াহে ভুকে। এনে কৰাৰ কাৰণ হ’ল সিহঁতে ওচৰ পাজৰে থকা সতীৰ্থ বন্ধুসকলক অকলশৰীয়াৰ কথাটো অৱগত কৰে।
এনেদৰে ভুকিলে কুকুৰটোৰ অৱস্থিতি গম পাই যাই সতীৰ্থসকলে। ইয়াৰ উপৰি কিবা জৰুৰী বৰ্তা প্ৰেৰণ কৰিব থাকিলেও কুকৰবোৰে এনেধৰণৰ পন্থা হাতত লোৱা দেখা যায়।
