মুখ্যমন্ত্ৰী ডঃ হিমন্ত বিশ্ব শৰ্মাৰ পত্নীৰ ৰিণিকি ভুঞা শৰ্মাৰ মালিকাধীন বন্দ্যা ইণ্টাৰনেচনেল স্কুলত উপস্থিত হয় সদগুৰু। ইয়াৰ পূৰ্বে অসম চৰকাৰৰ মন্ত্ৰী আৰু জ্যেষ্ঠ বিষয়াসকলৰ বিশেষ অনুষ্ঠানতো উপস্থিত থাকে সদগুৰুৱে।
মুখ্যমন্ত্ৰী ডঃ শৰ্মাই সামাজিক মাধ্যমৰ নিজা হেণ্ডেলত কয়, আজি লোকসেৱা ভৱনত পৰম পূজ্য শ্ৰীসদগুৰু ডাঙৰীয়াই আমাৰ চৰকাৰৰ জ্যেষ্ঠ বিষয়াসকলৰ সৈতে এক মুকলি মত বিনিময় অনুষ্ঠানত মিলিত হয়৷ উত্তম চৰকাৰী শাসন ব্যৱস্থা প্ৰদানৰ সময়ত আধ্যাত্মিক চেতনা সংহত কৰাৰ গুৰুত্বৰ বিষয়ে তেখেতে আলোকপাত কৰি আমাক সকলোকে সমৃদ্ধ কৰি তোলে।
ইয়াৰ পাছতে সদগুৰে মুখ্যমন্ত্ৰী পত্নীৰ মালিকাধীন বন্দ্যা ইণ্টাৰনেচনেল স্কুলত উপস্থিত হয় সদগুৰু। এই অনুষ্ঠানতো মুখ্যমন্ত্ৰী শৰ্মাই সহপৰিয়ালে উপস্থিত থাকে। প্ৰকাশিত খবৰ মতে অসমত প্ৰথমবাৰৰ বাবে অনুষ্ঠিত হৈছে আধ্যাত্মিক গুৰু, GLOBAL INFLUENCER সদগুৰুৰ অনুষ্ঠান।
মুখ্যমন্ত্ৰী ড° হিমন্ত বিশ্ব শৰ্মাৰ পত্নী ৰিণিকি ভূঞা শৰ্মাৰ বন্দ্যা ইণ্টাৰনেচনেল স্কুলত ‘SATSANG WITH SADHGURU’ শীৰ্ষক এই অনুষ্ঠান অনুষ্ঠিত হয়।
আধ্যাত্মিক গুৰুজনৰ অনুষ্ঠানত অংশ ল’লে ১০ সহস্ৰাধিক লোকে। উপস্থিত থাকে মুখ্যমন্ত্ৰী, মন্ত্ৰী জয়ন্ত মল্লবৰুৱা, প্ৰাইড ইষ্ট এণ্টাৰটেইনমেণ্টৰ অধ্যক্ষ তথা পৰিচালন সঞ্চালকৰ লগতে আন বহু বিশিষ্ট ব্যক্তি। ইয়াৰ পাছতে মুখ্যমন্ত্ৰীয়ে কৃষ্ণগুৰুৰ অনুষ্ঠানতো অংশগ্ৰহণ কৰে। উক্ত অনুষ্ঠানতো হাজাৰ হাজাৰ ভক্তৰ সৈতে হৰিনামৰ ধ্বনিত মুখ্যমন্ত্ৰী হাত চাপৰি বজাই থকা দেখা গ’ল। মুখ্যমন্ত্ৰী ডঃ শৰ্মাই এই দুই আধ্যাত্মিক তথা ধৰ্মীয় অনুষ্ঠান অংশগ্ৰহণ কৰাৰ পাছতে এতিয়া একাংশই প্ৰশ্ন উত্থাপন কৰাৰ লগতে আক্ৰমণ কৰিছে। তেওঁলোকে কয় যে শ্ৰীমন্ত শংকৰদেৱ সংঘৰ অধিবেশনত উপস্থিত থাকিবলৈ সময় নোপোৱা মুখ্যমন্ত্ৰী সদগুৰু আৰু কৃষ্ণগুৰুৰ অনুষ্ঠানত অংশগ্ৰহণ কৰিবলৈ ঠিকেই সময় পায়। মহাপুৰুষ শ্ৰীমন্ত শংকৰদেৱৰ অনুগামী শ্ৰীমন্ত শংকৰদেৱ সংঘক এলাগী কৰি মুখ্যমন্ত্ৰী কেনেকৈ শংকৰদেৱক বিশ্বৰ দৰবাৰত প্ৰতিষ্ঠা কৰিব বুলিও প্ৰশ্ন কৰিছে একাংশই।
