“বহিৰাগত” ব্যক্তিৰ সৈতে বিয়াত নবহি জাতি ৰক্ষাৰ বাবে ৰাজহুৱা শপত দিছে মিজোৰামৰ প্ৰভাৱশালী ছাত্ৰ সংগঠন মিজো জিৰলাই পলে।
নিজৰ ক্ষুদ্ৰ জাতিসত্ত্বাক “বহিৰাগত”ই গিলাৰ আশংকাত ছাত্ৰ সংগঠনটোৱে মিজোসকলক অ-মিজোক বিয়া নাপাতিবলৈ আহ্বান জনাইছে।
এই সন্দৰ্ভত সজাগতা সৃষ্টিৰ বাবে সংগঠনটোৱে ইতিমধ্যে অভিযান আৰম্ভ কৰিছে, আউটলুকৰ বাতৰি।
ছাত্ৰ সংগঠনটোৰ সভাপতি এল ৰামদিনলিয়ানা ৰেন্থলেই কয় যে জনজাতীয় সংস্কৃতি, পৰম্পৰা আৰু ধৰ্ম ৰক্ষাৰ বাবে সমগ্ৰ মিজোৰামজুৰি এই অভিযান আৰম্ভ হৈছে।
সংগঠনটোৱে মিজোৰামৰ স্কুল-কলেজসমূহতো এই অভিযান চলাব।
মিজোসকল ভাৰতৰ মিজোৰাম আৰু পশ্চিম ম্যানমাৰৰ চিন হিলত বিয়পি আছে। মিজো নৃগোষ্ঠী আচলতে মাৰ, ৰাল্তে, লাই আৰু লুচেইসকলক লৈ গঠিত হৈছে।
মিজো ভাষা ইণ্ড’-তিব্বত ভাষা গোষ্ঠীৰ।
ভাৰতীয় সংবিধানৰ ৩৭১জি অনুচ্ছেদৰ অধীনত মিজোসকলে পৰম্পৰাগত আইন আৰু আচাৰকো সাঙুৰি বহু সুবিধা উপভোগ কৰে।
মিজোৰামত বহিৰাগতই মাটি কিনিব নোৱাৰে, কেৱল মিজোসকলেহে নিজৰ মাজত ভূমি কিনা-বেচা কৰিব পাৰে।
মিজোৰামত প্ৰৱেশৰ বাবে ভাৰতীয় নাগৰিককো আন্তঃৰাজ্যিক পাৰপত্ৰৰ প্ৰয়োজন।
