যিসকলে সঘনাই ডুবাই ভ্ৰমণ কৰি ভাল পায় তেওঁলোকৰ বাবে এক সুন্দৰ খবৰ। ভাৰত আৰু ডুবাইৰ মাজত সাগৰৰ মাজেৰে এখন ৰে’ল চলিব। এই কথা শুনি আচৰিত যেন লাগিব পাৰে, কিন্তু কথাটো সত্য। সাগৰৰ তলেৰে ভাৰতৰ পৰা ডুবাইলৈ যাত্ৰা কৰিব পাৰিব।
সূত্ৰ অনুসৰি এই ৰেলখনৰ গতিবেগ প্ৰতি ঘণ্টাত ৬০০ৰ পৰা ১০০০ কিলোমিটাৰৰ ভিতৰত হ’ব। ইয়াৰ দ্বাৰা ভাৰতৰ পৰা ডুবাইলৈ যাত্ৰা কৰাটো অতি সহজ হ’ব। মাত্ৰ ২ ঘণ্টাত ভাৰতৰ পৰা ডুবাইলৈ যাব পাৰিব।
এই খবৰটো প্ৰকাশ পোৱাৰ লগে লগে এক প্ৰকাৰৰ হুলস্থুলৰ সৃষ্টি হৈছে। অৱশ্যে এই কামত বৃহৎ বিনিয়োগ কৰা হৈছে বুলি কোৱা বাহুল্য। এই প্ৰকল্পটোত যি আধুনিক প্ৰযুক্তি ব্যৱহাৰ কৰা হ’ব, সেই প্ৰযুক্তিবিদ্যাৰ বাবেও বহু প্ৰযুক্তিবিদ বা বিশেষজ্ঞৰ প্ৰয়োজন হ’ব।
উল্লেখ্য যে এই ৰেলপথটো প্ৰায় ১২০০ মাইল দীঘল হ’ব। এই সমগ্ৰ পথটো সাগৰৰ তলেৰে পাৰ হৈ যাব। ফলত সাগৰৰ তলেৰে ভাৰতৰ পৰা ডুবাইলৈ বজ্ৰগতিত যাত্ৰা সম্ভৱ হ’ব।
এতিয়ালৈকে পোৱা তথ্যৰ পৰা জানিব পৰা মতে, এই ৰে’লখন মুম্বাইৰ পৰা ডুবাইলৈ যাব। এই পথটো ২ ঘণ্টাৰ ভিতৰত অতিক্ৰম কৰিব পাৰিব। অৱশ্যে এই ৰেলযোগে কেৱল যাত্ৰীয়েই নহয়, ভাৰতৰ পৰা ডুবাইলৈ সামগ্ৰী আৰু খাৰুৱা তেলও অনা নিয়া কৰিব পাৰিব।
এই ৰে’লখন কাৰ্যক্ষম হ’লেই ভাৰত আৰু ডুবাইৰ মাজৰ সম্পৰ্ক বহুত মজবুত হ’ব। দুয়োখন দেশৰ মাজত বাণিজ্য আৰু অৰ্থনৈতিক সম্পৰ্কৰ নতুন দিশবোৰ চৰ্চালৈ আহিব।
ইতিমধ্যে দুয়োখন দেশেই এই ৰে’ল সেৱাৰ বাবে সমৰ্থন আগবঢ়াইছে। অৱশ্যে বিষয়টো এতিয়াও পৰিকল্পনাৰ পৰ্যায়ত আছে।
