বিগত কিছুদিন ধৰি উত্তৰ-পূব বিশেষকৈ অসমত উৰ্ধগামী হোৱা পাৰাস্তম্ভ আজিৰ পৰা সাময়িকভাৱে কিছুদিনৰ বাবে হ্ৰাস পোৱাৰ সম্ভাৱনা আছে।
দীৰ্ঘদিন ধৰি প্ৰচণ্ড গৰমত দহিব লগা হোৱা ৰাজ্যবাসীয়ে বৰষুণৰ বাবে আজিৰ পৰা কিছু পৰিমানে উগ্ৰ গৰমৰ পৰা সকাহ পাব।
সূত্ৰৰ পৰা লাভ কৰা বতৰৰ বতৰা অনুসৰি আজিৰে পৰা অসমৰ বিভিন্ন প্ৰান্তত প্ৰবল বৃষ্টিপাত হোৱাৰ সম্ভাৱনা আছে।
উল্লেখযোগ্য যে, গুজৰাটৰ উপকূলীয় অঞ্চলত ‘বায়ু’ নামৰ সাগৰীয় ঘূৰ্ণী বতাহৰ প্ৰভাৱৰ বাবে বংগোপ সাগৰত নিম্নচাপ সৃষ্টিত কিছু পলম হয় যাৰ ফলশ্ৰুতিত সমগ্ৰ দেশৰ লগতে উত্তৰ-পূবতো মৌচুমী জলবায়ুৰ প্ৰভাৱ বিগত ১২ বছৰৰ ভিতৰত লেহেমীয়া হৈছে আৰু বৰষুণৰ পৰিমান হ্ৰাস পাইছে।
মৌচুমী জলবায়ুৰ প্ৰভাৱৰ নপৰাৰৰ বাবে পশ্চিমবংগ, ওড়িশা, বিহাৰ আদি ৰাজ্যৰ লগতে অসমো প্ৰচণ্ড গ্ৰীষ্ম প্ৰবাহৰ কবলত পৰিবলগা হয়।
আনহাতে, মঙলবাৰে নিশাৰ পৰা হোৱা পাতলীয়া বৰষুণৰ প্ৰভাৱৰ ফলত আজিৰ পৰা অসমত ভৌগলিক উষ্ণতা কিছু পৰিমানে হ্ৰাস পোৱাৰ পূৰ্ণ সম্ভাৱনা আছে।
