বুধবাৰে ৰাতিপুৱা নেপালত ৫.৪ প্ৰাবল্যৰ ভূমিকম্পৰ জোকাৰণি
বুধবাৰে ৰাতিপুৱা এটা মজলীয়া ধৰণৰ ভূমিকম্পই নেপালৰ ৰাজধানী কাঠমাণ্ডুক জোকাৰি যায়।
ৰাষ্ট্ৰীয় ভূমিকম্প বিজ্ঞান কেন্দ্ৰই প্ৰকাশ কৰা মতে ৰিখটাৰ স্কেলত ৫.৪ প্ৰাবল্যৰ ভূমিকম্পটোৰ ফলত কাঠমাণ্ডুত তীব্ৰ জোকাৰণি অনুভূত হয়।
”কাঠমাণ্ডুৰ পৰা পূৱে ৫০ কিলোমিটাৰ দূৰত্বত ৰিখটাৰ স্কেলত ৫.৪ প্ৰাবল্যৰ এটা ভূমিকম্পই নেপালক ৰাতিপুৱা ৫ বজাত জোকাৰি যায়,” এন চি এছত এইদৰে প্ৰকাশ পায়।
বুধবাৰে ৰাতিপুৱা অহা ভূমিকম্পটোৰ ফলত নেপালত কিধৰণৰ ক্ষয়-ক্ষতি হৈছে সেয়া বৰ্তমানলৈ জানিব পৰা হোৱা নায়।
উল্লেখযোগ্য যে, ২০১৫ চনত নেপালত হোৱা প্ৰবল ভূমিকম্পৰ ফলত দেশখনত প্ৰায় ৯০০০ গৰাকী লোক আঘাতপ্ৰাপ্ত হৈছিল।
উক্ত ভূমিকম্পৰ সময়ত ভাৰতে নেপালক প্ৰচুৰ পৰিমাণে সহায় কৰিছিল। ভাৰতীয় সেনা বাহিনীয়ে নেপালৰ ভূমিকম্পত উদ্ধাৰ অভিযানতো সহায় কৰিছিল।
বিগত সপ্তাহত নেপালত সংঘটিত হোৱা ভূমিস্খলনৰ ফলতো ১২ গৰাকী লোকে প্ৰাণ হেৰুৱাইছিল।