সমগ্ৰ দেশতে আনলক প্ৰক্ৰিয়া চলি থকাৰ পিছতো মেঘালয় চৰকাৰ আৰু প্ৰশাসনে অসমৰ পৰা যানবাহনৰ লগতে কোনো লোককে প্ৰৱেশ কৰিব নিদিয়াত ক্ষুদ্ৰ ব্যৱসায়ৰ লগতে যানবাহনৰ মালিক সকল ক্ষতিগ্ৰস্ত হৈ আহিছে ৷
ইপিনে মেঘালয়ৰ পৰা অসমত নিতৌ বিভিন্ন যানবাহন লৈ লোক সকল প্ৰৱেশ কৰি উভতি যায় ৷
এই বিষয়টোকলৈ বিগত এটা মাহে গোৱালপাৰা জিলাৰ আছুকে ধৰি ৪০ সংগঠনে আন্দোলন কৰি আহিছিল আৰু শেহতীয়াকৈ বৃহস্পতিবাৰৰ পৰা মেঘালয়লৈ যোৱা সকলো পথতে অৰ্থনৈতিক অৱৰোধৰ ঘোষণাকৰিছিল৷
ইফালে গোৱালপাৰা জিলাৰ আছু নেতৃত্বত কৃষ্ণাই মটৰ শ্ৰমিক, দুধনৈ টেক্সি সন্থা, গোৱালপাৰা জিলা আমছু আদিকে ধৰি ৪০ টা সংগঠনে বৃহস্পতিবাৰৰ ৰাতিপুৱাৰ পৰা মেঘালয় চৰকাৰৰ বিৰুদ্ধে ঘোষণা কৰা অনিৰ্দিষ্টকালীন অৰ্থনৈতিক অৱৰোধ সাময়িকভাবে প্ৰত্যাহাৰ কৰিছে ৷
মেঘালয় চৰকাৰ আৰু উত্তৰ গাৰোপাহাৰ জিলাৰ উপাযুক্তই গোৱালপাৰা জিলা প্ৰশাসনলৈ প্ৰেৰণ কৰা পত্ৰৰ ভিত্তিত সংগঠন কেইটাই এই সিদ্বান্ত গ্ৰহণ কৰে ৷
