অসমত পুনৰ চৰকাৰ গঠন কৰিব ভাৰতীয় জনতা পাৰ্টিৰ মিত্ৰজোঁটে। আজি সন্ধ্যা ৬.৩০ বজাত প্ৰকাশ হৈছে কেইবাটাও ৰাজনৈতিক সংস্থা আৰু সংবাদ প্ৰতিষ্ঠানৰ এগজিট প’ল।
শেহতীয়া এগজিট প’লৰ (Exit Poll) ফলাফল অনুসৰি, অসমত তৃতীয়বাৰৰ বাবে বিজেপি নেতৃত্বাধীন মিত্ৰজোঁটে চৰকাৰ গঠন কৰাটো প্ৰায় নিশ্চিত।
এক্সিছ-মাই ইণ্ডিয়াৰ সমীক্ষা অনুসৰি ১২৬ খন আসনৰ ভিতৰত ফলাফল এনেধৰণৰ হ’ব পাৰে – বিজেপি মিত্ৰজোঁটে লাভ কৰিব ৮৮ – ১০০ খন আসন আৰু কংগ্ৰেছ মিত্ৰজোঁটে লাভ কৰিব ২৪ – ৩৬ খন আসন।
জেভিচিৰ সমীক্ষা মতে, বিজেপি মিত্ৰজোঁটে ৮৮-১০১ খন আসন, কংগ্ৰেছ মিত্ৰজোঁটে ২৩ – ৩৩ খন আসন আৰু অন্যান্য দলে ২-৫ খন আসন লাভ কৰিব।
পি মাৰ্কৰ সমীক্ষা অনুসৰি, বিজেপি মিত্ৰজোঁটে ৮২-৯৪ খন আসন, কংগ্ৰেছ মিত্ৰজোঁটে ৩০ – ৪০ খন আসন আৰু অন্যান্য দলে ১-৫ খন আসন লাভ কৰিব।
প’ল অৱ ইগজিট প’লছৰ তথ্য অনুসৰি , বিজেপি মিত্ৰজোঁটে ৮৮ খন আসন, কংগ্ৰেছ মিত্ৰজোঁটে ২৭ খন আসন আৰু অন্যান্য দলে ৬ খন আসন লাভ কৰিব।
মেট্ৰিজৰ সমীক্ষা মতে, বিজেপি মিত্ৰজোঁটে ৮৫-৯৫ খন আসন, কংগ্ৰেছ মিত্ৰজোঁটে ২৫- ৩৫ খন আসন আৰু অন্যান্য দলে ৬-১২ খন আসন লাভ কৰিব।
পিপুলছ পালছৰ সমীক্ষা অনুসৰি, বিজেপি মিত্ৰজোঁটে ৬৮-৭২ খন আসন, কংগ্ৰেছ মিত্ৰজোঁটে ২২– ২৬ খন আসন আৰু অন্যান্য দলে ৭-১৫ খন আসন লাভ কৰিব।
প’ল ডায়েৰীৰ মতে, বিজেপি মিত্ৰজোঁটে ৮৬-১০১ খন আসন, কংগ্ৰেছ মিত্ৰজোঁটে ১৫ –২৬ খন আসন আৰু অন্যান্য দলে ৩-৭ খন আসন লাভ কৰিব।
প্ৰতিদিন টাইমৰ এগজিত প’ল অনুসৰি, বিজেপি মিত্ৰজোঁটে ৮২-৯১ খন, কংগ্ৰেছ মিত্ৰজোঁটে ২৮-৩৯ খন আৰু
অন্যান্য দলে ২-৬ খন আসন লাভ কৰিব।
উল্লেখ্য যে যোৱা ৯ এপ্ৰিলত অসমৰ ১২৬ টা সমষ্টিত একেটা পৰ্যায়তে ভোটগ্ৰহণ সম্পন্ন হৈছিল। এইবাৰ ৰাজ্যখনত ভোটাৰৰ উপস্থিতি আছিল অভিলেখ সৃষ্টিকাৰী (৮৫.৩৮ শতাংশ), যিয়ে নিৰ্বাচনী ফলাফলক লৈ ব্যাপক কৌতুহলৰ সৃষ্টি কৰিছে।
অহা ৪ মে’ত ভোটগণনাৰ পাছতহে স্পষ্ট হ’ব যে এগজিট প’লৰ এই ভৱিষ্যদ্বাণী কিমান দূৰ ফলিয়াই আৰু অসমৰ শাসনৰ বাঘজৰী কাৰ হাতলৈ যায়।
