মা কামাখ্যাৰ আশীৰ্বাদ লৈ ৰত্নাকৰৰ শেষ প্ৰচাৰ চলালে টিম ৰত্নাকৰে। কাইলৈ অৰ্থাৎ ১১ অক্টোবৰত ৰাজ্যৰ সকলো চলচ্চিত্ৰ গৃহত মুক্তি লাভ কৰিব যতীন বৰাৰ পত্নী নবণীতা বৰুৱাৰ প্ৰযোজিত অসমীয়া চিনেমা ৰত্নাকৰে।
মুঠ ১৭৬ টা দৰ্শনীলৈ বৃদ্ধি কৰা হৈছে ৰত্নাকৰৰ দৰ্শনী। বিগ বাজেটৰ চলচ্চিত্ৰখন চাবৰ বাবে শেষ বাৰৰ বাবে অনুৰোধ ৰত্নাকৰৰ মুখ্য চৰিত্ৰত অভিনয় কৰা যতীন, বৰষা আৰু নিশিতাৰ। ছবিখনক লৈ খুবেই আশাবাদী টিম ৰত্নাকৰ।
প্ৰচাৰৰ অন্তিম দিনা কামাখ্যা গেটৰ পৰা চান্দমাৰী অভিযান্ত্ৰিক মহাবিদ্যালয়লৈকে এক বাইক ৰেলী বাহিৰ কৰে টিম ৰত্নাকৰে। প্ৰায় ২৫০ খন বাইকেৰে মহানগৰীৰ ৰাজপথত প্ৰচাৰ টিম ৰত্নাকৰৰ।
ইপিনে প্ৰচাৰৰ অন্তিম সময়ছোৱাত পুনৰবাৰ ছবিখন উপভোগ কৰিবলৈ অনুৰোধ জনাই কণমানি হৰ্ষিতাই পৰিবেশন কৰিলে ৰত্নাকৰৰ জনপ্ৰিয় গীত “এটা কথা কোৱানা।’
উল্লেখযোগ্য যে, অসমৰ বাহিৰত হাইডৰাবাদ, মুম্বাই, দিল্লী, বেংলুৰুকে ধৰি অন্য বহু ৰাজ্যত মুক্তি লাভ কৰিব ৰত্নাকৰে।
