অষ্ট্ৰেলিয়া ভ্ৰমণত ব্যস্ত থকা ভাৰতীয় ক্ৰিকেট দলৰ ৰেষ্টুৰেণ্টৰ বিল আদায় দিলে এগৰাকী ভাৰতীয় ক্ৰিকেট দলৰ অনুৰাগীয়ে।
মেলবৰ্ণৰ এখন ৰেষ্টুৰেণ্টত নৱলদ্বীপ সিং নামৰ এগৰাকী অনুৰাগীক ৰোহিত শৰ্মাকে ধৰি ভালেকেইগৰাকী ভাৰতীয় ক্ৰিকেটাৰৰ সৈতে একেলগে দেখা পোৱা গ’ল।
ৰেষ্টুৰেণ্টখনত নৱলদ্বীপ সিঙে ভাৰতীয় ক্ৰিকেটাৰ সকলৰ আহাৰৰ বিল পৰিষোধ কৰাও দেখা গ’ল।
নৱলদ্বীপে ৰেষ্টুৰেণ্টখনত ভাৰতীয় ক্ৰিকেটাৰ সকলৰ প্ৰায় ৬৬৬০ টকাৰ বিল নিজেই দিয়ে।
‘‘অনুগ্ৰহ কৰি টকাখিনি লোৱা…..ভাতৃ…..তুমি দিয়া বাবে ভাল লগা নাই,’’ ৰোহিত শৰ্মাই তেওঁ প্ৰিয় ক্ৰিকেটাৰ সকলৰ আহাৰৰ বিল দিয়াৰ পাছত এনেদৰে কোৱা বুলি নৱলদ্বীপ সিঙে টুইটাৰত উল্লেখ কৰে।
ভাৰতীয় ক্ৰিকেটাৰ সকলে প্ৰথমখন টেষ্ট এডিলেইটত খেলাৰ বিপৰীতে দ্বিতীয়খন খেল মেলবৰ্ণ ক্ৰিকেট গ্ৰাউণ্ডত খেলিছিল।
প্ৰথমখন টেষ্টত ভাৰতীয় দলটোৱে শোচনীয়ভাৱে পৰাস্ত হোৱাৰ পাছত দ্বিতীয়খন টেষ্টত সুন্দৰ বিজয়েৰে শৃংখলাত সমতা স্থাপন কৰিবলৈ সক্ষম হৈছিল।
