বিধানসভাৰ অধিৱেশনত বহি অশ্লীল ভিডিঅ’ চোৱাৰ অভিযোগত অভিযুক্ত বিজেপি নেতাজন উপ-মুখ্যমন্ত্ৰী হৈছিল! এইবাৰ দক্ষিণ ভাৰতৰ ৰাজ্য কৰ্ণাটকত এগৰাকী নাবালিকাক যৌন নিৰ্যাতন চলোৱাৰ অভিযোগ উত্থাপন হৈছে প্ৰাক্তন মুখ্যমন্ত্ৰী তথা বিজেপি নেতা বি এছ য়েডুৰাপ্পাৰ বিৰুদ্ধে।
১৭ বছৰীয়া নাবালিকাগৰাকীৰ মাতৃৰ অভিযোগৰ ভিত্তিত বাংগালুৰুৰ সদাশিৱনগৰ থানাৰ আৰক্ষীয়ে ৮৫ বছৰীয়া য়েডিয়ুৰাপ্পাৰ বিৰুদ্ধে POCSO আইনৰ অধীনত গোচৰ ৰুজু কৰিছে।
আৰক্ষীৰ সূত্ৰৰ মতে, ২ ফেব্ৰুৱাৰীত এক প্ৰৱঞ্চনাৰ গোচৰত সহায় বিচাৰি নাবালিকাগৰাকী আৰু তেওঁৰ মাতৃয়ে য়েডুৰাপ্পাৰ ওচৰলৈ গৈছিল। অভিযোগ অনুসৰি সেই সময়তে যৌন নিৰ্যাতনৰ ঘটনা সংঘটিত হৈছিল।
লগতে পঢ়কঃ ফিউচাৰ গেমিং এণ্ড হোটেল চাৰ্ভিচেজ: সৰ্বাধিক নিৰ্বাচনী বণ্ড ক্ৰয় কৰা কোম্পানীটোৰ ইতিহাস জানেনে?
লোকসভা নিৰ্বাচনৰ পূৰ্বে কৰ্ণাটকত প্ৰত্যাৱৰ্তনৰ বাবে লিংগায়ত সম্প্ৰদায়ৰ নিৰ্বিবাদ নেতা তথা প্ৰাক্তন মুখ্যমন্ত্ৰী য়েডিউৰাপ্পাৰ ওপৰতে ভৰসা কৰি আছে নৰেন্দ্ৰ মোডী-অমিত শ্বাহৰ বিজেপিয়ে।
ইতিমধ্যে তেওঁৰ এজন পুত্ৰ বিজয়েন্দ্ৰক দলৰ ৰাজ্যিক সভাপতিৰ দায়িত্ব দিয়া হৈছে। আন এজন পুত্ৰ ৰাঘবেন্দ্ৰই শিমোগা সমষ্টিত টিকট পাইছে।
এই পৰিস্থিতিত প’কছ’ৰ গোচৰে নিৰ্বাচনী প্ৰচাৰত মুখ্য ভূমিকা গ্ৰহণ কৰিব বুলি অনুমান কৰা হৈছে।
লগতে পঢ়কঃ দানবীৰসকলৰ চকু কেবল বিজেপিত! নিৰ্বাচনী বণ্ডৰ পৰা বিজেপিৰ সংগ্ৰহ দেখি চকু থৰ লাগিল বিৰোধীৰ
উল্লেখ্য যে ২০১৯ চনত য়েডুৰাপ্পা মুখ্যমন্ত্ৰী হৈ থকাৰ সময়ত বিধানসভাৰ অধিৱেশনত বহি পৰ্ণ চোৱাৰ বাবে অভিযুক্ত লক্ষ্মণ সাৰাভিক উপ-মুখ্যমন্ত্ৰী কৰা হৈছিল। সেই সময়তো তাক লৈ ৰাজনৈতিক বিতৰ্কৰ সৃষ্টি হৈছিল।
