কটকটীয়া নিৰাপত্তাৰ মাজত গণতন্ত্ৰ দিৱস উদযাপনৰ সময়তে দেওবাৰে পুৱা উজনি অসমৰ কেইবাটাও স্থানত কম ক্ষমতাসম্পন্ন বিস্ফোৰণে কঁপাই তোলে।
ডিব্ৰুগড়ত দেওবাৰে ৰাতিপুৱাই আস্থা হাস্পাতলৰ সমীপত আৰু গুৰুদ্বাৰাৰ ওচৰৰ এ টি ৰোডত দুটা কম ক্ষমতাসম্পন্ন বিস্ফোৰণ সংঘটিত হয়।
খৱৰ অনুসৰি, একধৰণৰ বিস্ফোৰণ দুলীয়াজান, ডুমডুমা আৰু সোণাৰিতো সংঘটিত হৈছে।
সুৰক্ষা বাহিনীৰ লোক ইতিমধ্যে ঘটনাস্থলীত উপস্থিতি হৈ তদন্ত আৰম্ভ কৰিছে।
‘’ডিবৰুগড়ৰ দুটা স্থানত আজি ৰাতিপুৱা সংঘটিত হোৱা বিস্ফোৰণ আছিল কম ক্ষমতাসম্পন্ন। আমাৰ টীম ঘটনাস্থলীত গৈ উপস্থিত হৈছে আৰু তদন্ত আৰম্ভ কৰিছে। এতিয়াই আমি একো নিশ্চিতকৈ ক’ব নোৱাৰো,’’-আৰক্ষী সূত্ৰই কয়।
উল্লেখ্য যে আলফা-স্বাধীনে পূৰ্বতে স্বাধীনতা দিৱস আৰু গণতন্ত্ৰ দিৱসৰ সময়ত এনেধৰণৰ বিস্ফোৰণ সংঘটিত কৰিছিল।
প্ৰতিবছৰৰ দৰে এইবাৰো আলফা-স্বাধীনে গণতন্ত্ৰ দিৱস কাৰ্যসূচী বৰ্জন কৰাৰ কথা ঘোষণা কৰিছিল।
