ক’ৰ’না প্ৰতিৰোধৰ বাবে লকডাউন আৰু সামাজিক দূৰত্ব বজাই ৰখাৰ স্বাৰ্থত চৰকাৰে বিভিন্ন পদক্ষেপ গ্ৰহণ কৰি থকাৰ বিপৰীতে একাংশ জনপ্ৰতিনিধিয়ে ইয়াক ভেঙুচালিলৈ পৰিণত কৰাত উঠি পৰি লাগিছে।
এই সকল জনপ্ৰতিনিধিয়ে না চৰকাৰী নিৰ্দেশ পালন কৰিব জানে না জনসাধাৰণ সুৰকক্ষাৰ কথা চিন্তা কৰে।
দেশত লকডাউন চলি থকাৰ পিছতো দেশত ক’ৰ’না ভাইৰাছৰ সংহাৰ হ্ৰাস পোৱা নাই। চৰকাৰে প্ৰত্যেকগৰাকী লোককে ভিৰ এলেকাত নাযাবলৈ অনুৰোধ কৰিছে, কিন্তু কৰ্ণাটকৰ বিজেপি বিধায়ক এম জয়ৰামৰ বাবে এইবিলাক কোনো ফেক্টৰে নহয়।
চৰকাৰ প্ৰশাসনৰ বাৰম্বাৰ অনুৰোধৰ পিছতো বিধায়ক গৰাকীয়ে ধুমধামেৰে পালন কৰে নিজৰ জন্মদিন।
কৰ্ণাটকৰ তুৰৱকেৰেৰ বিজেপি বিধায়ক এম জয়ৰামে টুমকৰৰ এখন চৰকাৰী বিদ্যালয়ত নিজৰ জন্মদিনৰ পাৰ্টীৰ আয়োজন কৰিছিল। পাৰ্টীত উপস্থিত আছিল বহু সংখ্যক জনতা। পাৰ্টীলৈ অহা প্ৰত্যেক গৰাকী লোককে বিৰিয়ানিৰে আদৰণি জনাইছিল।
পাৰ্টীলৈ অহা লোকসকলে মাস্ক পিন্ধিছিল যদিও পাহৰি গৈছিল সামাজিক দূৰত্ব।
উল্লেখ্য যে কাৰ্ণাটকত ১৯০ গৰাকী লোক ক’ৰ’না ভাইৰাছত আক্ৰান্ত হৈছে আৰু ইয়াৰে ৬ জন লোকৰ মৃত্যু হৈছে।
আনহাতে ঝাৰখণ্ড চৰকাৰৰ সহযোগী দল কংগ্ৰেছৰ বিধায়ক ইৰফান আনছাৰিয়েও সামাজিক দূৰত্বৰ ভৰিৰে মোহাৰি পেলোৱা পৰিলক্ষিত হৈছে। এটা ভিডিঅ’ত তেওঁ মহিলাসকলক ১০-১০ টকা বিতৰণ কৰি থকা দেখিবলৈ পোৱা যায়।
