শতিকাত প্ৰথমবাৰৰ বাবে বিশ্বৰ জনসংখ্যা কেইটামান দশকৰ ভিতৰত হ্ৰাস হোৱাৰ সম্ভাৱনা আছে। দ্য লেঞ্চেট নামৰ সংস্থাটোৱে চলোৱা এক অধ্যয়নত এই কথা প্ৰকাশ পাইছে।
দ্য লেঞ্চেটৰ সমীক্ষা অনুসৰি বৰ্তমান বিশ্বত প্ৰায় ৭.৮ বিলিয়ন লোক আছে আৰু ২০৬৪ চনত এই সংখ্যা সৰ্বাধিক হোৱাৰ সম্ভাৱনা আছে। ২০৬৪ চনত জনসংখ্যা প্ৰায় ৯.৭ বিলিয়ন হ’ব আৰু ২১০০ চনলৈ ৮.৮ বিলিয়নলৈ হ্ৰাস পাব।
ইনষ্টিটিউট ফৰ হেল্থ মেট্ৰিক্স এণ্ড ইভেল্যুৱেচন (আইএইচএমই)ৰ গ্লোবেল হেল্থৰ অধ্যাপক ষ্টেইন এমিল ভলছেটে আইএফএলচাইন্সক কৈছিল, “চতুৰ্দশ শতিকাৰ মাজভাগত ব্লেক প্লেগৰ বাবে শেষবাৰৰ বাবে বিশ্বব্যাপী জনসংখ্যা হ্ৰাস পাইছিল। যদি আমাৰ পূৰ্বানুমান সঠিক হয় মহামাৰী বা দুৰ্ভিক্ষৰ দৰে ঘটনাৰ বিপৰীতে এইটো প্ৰথমবাৰৰ বাবে জনসংখ্যা হ্ৰাস হ’ব।”
প্ৰতিবেদনখনত এইটোও উল্লেখ কৰা হৈছিল যে ২৩ খন লৈকে দেশৰ জনসংখ্যা আধাতকৈও অধিক হ্ৰাস হ’ব পাৰে। দেশবোৰ হৈছে – জাপান, থাইলেণ্ড, স্পেইন, ইটালী, পৰ্তুগাল, আৰু দক্ষিণ কোৰিয়া। আনকি বিশ্বৰ আটাইতকৈ জনবসতিপূৰ্ণ দেশ চীনতো ২০১৭ চনত ১.৪ বিলিয়ন লোকৰ পৰা ২১০০ চনত ৭৩২ নিযুতলৈ হ্ৰাস পাব পাৰে।
“ইয়াৰ দুটা গুৰুত্বপূৰ্ণ কাৰক আছে- আধুনিক গৰ্ভনিৰোধকৰ প্ৰৱেশাধিকাৰৰ উন্নতি আৰু ছোৱালী আৰু মহিলাৰ শিক্ষা।” ভলছেটে কয়।
“এই কাৰকবোৰে উৰ্বৰতাৰ হাৰ বৃদ্ধি কৰে – এগৰাকী মহিলাই তেওঁৰ জীৱনকালত প্ৰসৱ কৰা শিশুৰ গড় সংখ্যা যি হৈছে জনসংখ্যাৰ সৰ্ববৃহৎ নিৰ্ধাৰক। বিশ্বব্যাপী মুঠ উৰ্বৰতাৰ হাৰ ক্ৰমান্বয়ে হ্ৰাস হোৱাৰ সম্ভাৱনা আছে। ২০১৭ চনত ২.৩৭ ৰ পৰা ২১০০ চনত ১.৬৬ লৈ, জনসংখ্যাৰ সংখ্যা বজাই ৰখাৰ বাবে প্ৰয়োজনীয় বুলি বিবেচনা কৰা নিম্নতম হাৰৰ যথেষ্ট কম।” তেওঁ লগতে কয়।
গৱেষণাটোৱে লগতে কয় যে বিশ্বৰ দ্বিতীয় সৰ্ববৃহৎ জনবহুল দেশ ভাৰতৰ জনসংখ্যা ২১০০ চনত প্ৰায় ১·০৯ বিলিয়ন হ’ব।