মহেন্দ্ৰ সিং ধোনীৰ ক্ৰিকেট ভবিষ্যতক লৈ মন্তব্য প্ৰকাশ কৰিছে অষ্ট্ৰেলিয়াৰ প্ৰাক্তন বেটছমেন ডীন জোনছে।
ভাৰতীয় ক্ৰিকেট দলৰ প্ৰাক্তন বিশ্বকাপ বিজয়ী অধিনায়ক মহেন্দ্ৰ সিং ধোনীয়ে আই পি এলত ভাল প্ৰদৰ্শন নকৰিলে ভাৰতীয় ক্ৰিকেট দলৰ দুৱাৰ তেওঁৰ বাবে বন্ধ হৈ পৰিব বুলি মন্তব্য কৰে ডীন জোনছে।
”যদিহে ধোনীয়ে আই পি এলত ভাল প্ৰদৰ্শন কৰে তেন্তে তেওঁ স্থান সুৰক্ষিত আৰু যদিহে ধোনীয়ে আই পি এলত ভাল প্ৰদৰ্শন কৰিব নোৱাৰে তেন্তে হয়টো ভবিষ্যতলৈ তেওঁৰ বাবে ভৰতীয় ক্ৰিকেট দলৰ দুৱাৰ বন্ধ হৈ পৰিব,” জোনছে এটা সাক্ষাৎকাৰত কয়।
উল্লেখযোগ্য যে, আই পি এলৰ ১৩ সংখ্যক সংস্কৰণটি ক’ৰ’না মহামাৰীৰ বাবে ভাৰতৰ বিপৰীতে য়ুনাইটেড আৰব এমিৰেটছ চমুকৈ UAE লৈ স্থানান্তৰ কৰা হৈছে।
২৬ ছেপ্তেম্বৰৰ পৰা আৰম্ভ হ’বলগীয়া ৫১ দিনলৈকে চলিব লগীয়া বিশ্বৰ সৰ্ববৃহৎ ক্ৰিকেট টুৰ্ণামেণ্টখনৰ ফাইনেল মেচখন ৮ নৱেম্বৰত অনুষ্ঠিত হ’ব।
মহেন্দ্ৰ সিং ধোনীয়ে বিগত বৰ্ষত ইংলেণ্ডত অনুষ্ঠিত হোৱা আই চি চি বিশ্বকাপৰ পাছৰে পৰা খেলপথাৰৰ পৰা আতৰি আছে।