চাৰিগৰাকী ক’ভিড ৰোগীয়ে অসমত দেওবাৰে প্ৰাণ হেৰুৱাইছে।
ক’ভিডত মৃত্যু হোৱা লোককেইগৰাকী হ’ল কামৰূপ মহানগৰ জিলাৰ প্ৰমোদ চন্দ্ৰ শৰ্মা (৬২) আৰু বীনাপাণি দাস (৭৮), কাছাৰৰ এছ কে ৱাগলে (৪৬) আৰু তিনিচুকীয়াৰ প্ৰশান্ত শইকীয়া (৭৪)।
এইকেইগৰাকী ব্যক্তিক ধৰি অসমত ক’ভিডত মৃত্যু হোৱা লোকৰ সংখ্যা ৫৭গৰাকীলৈ বৃদ্ধি পাইছে।
স্বাস্থ্য মন্ত্ৰী হিমন্ত বিশ্ব শৰ্মাই টুইটাৰত এই তথ্য সদৰী কৰি মৃতকৰ পৰিয়াললৈ সমবেদনা জ্ঞাপন কৰিছে।
অসমত এতিয়ালৈকে ১৫,১৬৫গৰাকী লোকে ক’ভিডৰ পৰা আৰোগ্য লাভ কৰিছে আৰু তেওঁলোকক চিকিৎসালয়ৰ পৰা যাবলৈ দিয়া হৈছে।
অসমত বৰ্তমান সক্ৰিয় ক’ভিড ৰোগীৰ সংখ্যা হৈছে ৭৭৬০গৰাকী।
In an irreparable loss to four families, I am anguished to share that Sri Pramod Chandra Sarma (62, Kamrup Metro), Smt Binapani Das (78, Kamrup Metro), Sri S K Wagle (46, Cachar) and Sri Prasanta Saikia (74, Tinsukia) succumbed to #COVID19.
My heartfelt condolences.
— Himanta Biswa Sarma (@himantabiswa) July 19, 2020
অসমত এতিয়ালৈকে চিনাক্ত মুঠ ক’ভিড আক্ৰান্ত হৈছে ২২,৯৮১গৰাকী।
ইয়াৰে তিনিগৰাকী আন ঠাইলৈ স্থানান্তৰিত হৈছে।
