অসমত আৰু চাৰিগৰাকী ক’ভিড ৰোগীৰ মৃত্যু, মুঠ ৯২লৈ বৃদ্ধি

চাৰিগৰাকী ক’ভিড-১৯ ৰোগীয়ে অসমত বুধবাৰে প্ৰাণ হেৰুৱাইছে আৰু মুঠ মৃতকৰ সংখ্যা হৈছেগৈ ৯২ (।)

মৃত্যু হোৱা লোক কেইগৰাকী হৈছে—কাছাৰৰ বিমল পল (৭৮), তিনিচুকীয়াৰ হেমা দেৱী (৭৭) আৰু ডঃ এছ এ ডব্লিউ হুছেইন (৮৫) আৰু যোৰহাটৰ দেবাৰি কৰ্মকাৰ (৪০)।

স্বাস্থ্য মন্ত্ৰী হিমন্ত বিশ্ব শৰ্মাই টুইটাৰত এই তথ্য সদৰী কৰিছে।

Very sad to share that four more #COVID patients have lost their battle against pandemic today- Shri Bimal Paul (78) from Cachar, Smt Hema Devi (77) from Tinsukia and Dr S.A.W. Hussain (85) & Smt Debari Karmakar (40) from Jorhat.

May God help their families to bear this pain 🙏

— Himanta Biswa Sarma (@himantabiswa) July 29, 2020

১২১৬গৰাকী নতুনকৈ ক’ভিড মুক্ত ব্যক্তিৰ সৈতে অসমত মুঠ আৰোগ্যৰ সংখ্যাই মঙলবাৰে ২৬ হাজাৰৰ সীমা অতিক্ৰম কৰিছে।

অসমত মঙলবাৰলৈকে ২৬,৬১৮গৰাকী ব্যক্তি ক’ভিডৰ পৰা আৰোগ্য হৈ চিকিৎসালয়ৰ পৰা মুকলি হৈছে।

অসমত ক’ভিডৰ পৰা আৰোগ্যৰ হাৰ ৭৬.২ শতাংশ।

অসমত মঙলবাৰলৈকে সক্ৰিয় ৰোগীৰ সংখ্যা হৈছে ৮২৩৮গৰাকী।

আনহাতে, অসমত শেহতীয়াকৈ ক’ভিড টেষ্টৰ তুলনাত পজিটিভৰ হাৰ হ্ৰাস পাইছে।

মঙলবাৰলৈকে অন্তিম ২৪ ঘণ্টাত ২২,৮৭৬টা ক’ভিড টেষ্টৰ বিপৰীতে ১৩৭১গৰাকী ব্যক্তি পজিটিভ চিনাক্ত হৈছে।

মঙলবাৰৰ দিনটোতে অসমে ৮ লাখ (৮০২,৬৭৪) ক’ভিড টেষ্টৰ সীমা অতিক্ৰম কৰিছে।

অসমত মঙলবাৰলৈকে চিনাক্ত মুঠ ক’ভিড আক্ৰান্তৰ সংখ্যা হৈছে ৩৪,৯৪৭গৰাকী। ইয়াৰে তিনিগৰাকী আন ঠাইলৈ স্থানান্তৰিত হৈছে।