Accident: কলিয়াবৰৰ কাঞ্চনজুৰিত ভয়ংকৰ পথ দুৰ্ঘটনা; ৪ জন নিহত

কলিয়াবৰৰ কাঞ্চনজুৰিত মঙলবাৰে পুৱাই সংঘটিত হয় এটি ভয়ংকৰ পথ দুৰ্ঘটনা ৷

বাঢ়নী পানীত বাহন সোমাই চাৰিজনকৈ আৰোহীৰ সলিল সমাধি ঘটে ৷

জানিব পৰা মতে পুৱা প্ৰায় ৯.৩০ মান বজাত গুৱাহাটীৰ পৰা যোৰহাট অভিমুখী এ এছ ০৩ এ ই ৮০০৩ নম্বৰৰ হোণ্ডা Aura গাড়ী খনে নিয়ন্ত্ৰণ হেৰুৱাই বাগৰি আৰক্ষী চকীৰ অন্তৰ্গত কাঞ্চনজুৰিৰ ৩৭ নং ৰাষ্ট্ৰীয় ঘাইপথৰ দাঁতিত বাঢ়নী পানীৰে পৰিপূৰ্ণ এটা দ’ খাৱৈত সোমাই পৰে ৷

ফলত গাড়ীখন থকা পাঁচজন আৰোহীৰ ভিতৰত চাৰিজনৰেই মৃত্যু ঘটে। এজনে কথমপি প্ৰাণ ৰক্ষা কৰিবলৈ সক্ষম হয় ৷

দুৰ্ঘটনাত মৃতুক সাৱটি লোৱা আৰোহী কেইজন হ’ল ক্ৰমে শচীন বৰদলৈ (১৮), লোহিত দাস (২৩), ঋষভ দাস (১৯) আৰু ৰাহুল সেনাপতি।