Fraudster Mridupaban Neog ৰাজ্যৰ এজন মহা প্ৰৱঞ্চক মৃদুপৱন নেওগৰ জামিন নাকচ কৰিছে গুৱাহাটী উচ্চ ন্যায়ালয়ে।
বৃহস্পতিবাৰে ন্যায়াধীশ হীতেশ কুমাৰ শৰ্মাৰ আদালতে প্ৰায় দুমাহ ধৰি পলাতক হৈ থকা মৃদুপৱনৰ জামিন নাকচ কৰে।
চৰকাৰী পক্ষৰ হৈ আদালতত যুক্তি দৰ্শাইছিল লোক অধিবক্তা মাখন ফুকনে।
উল্লেখ্য যে ইয়াৰ পূৰ্বেও মৃদুপৱনে আদালতত জামিন বিচাৰি আবেদন জনাইছিল।
ইপিনে, অসম আৰক্ষীয়ে এতিয়াও বিচাৰি উলিয়াব পৰা নাই হাই প্ৰফাইল নেতাৰে সম্পৰ্কৰ জেৰ টানি প্ৰৱঞ্চনাৰ জাল পেলোৱা মহা প্ৰৱঞ্চক মৃদপৱন নেওগক।
Also Read: বনজ সম্পদৰ লুণ্ঠন; ওদালগুৰিত বন বিষয়াৰ সহযোগত বিজেপি কৰ্মীৰ চোৰাং কাৰবাৰ
অসম আৰক্ষীয়ে বিচাৰি নোপোৱা প্ৰৱঞ্চক মৃদুপৱনে সন্তৰ্পণে জামিন বিচাৰি আবেদন দাখিল কৰিছিল গুৱাহাটী উচ্চ ন্যায়ালয়ত।
নগাঁৱৰ এক গোচৰৰ ভিত্তিত নগাঁও আৰক্ষীয়ে মৃদুপৱনৰ মহানগৰীৰ কাহিলীপাৰাত থকা বাসগৃহত অভিযান চলাই পিষ্টলকে ধৰি বহু আপত্তিজনক নথিপত্ৰ তথা সামগ্ৰী উদ্ধাৰ কৰিছিল।
মৃদুপৱন নেওগৰ বিৰুদ্ধে বন্যপ্রাণী সুৰক্ষা আইনৰ অধীনতো গোচৰ ৰুজু কৰা হৈছে। মৃদুপৱনৰ বাসগৃহত গাহৰিৰ দাঁত, বাঘৰ হাড় আদি অংগ-প্রত্যংগ উদ্ধাৰ হৈছিল।
শাসকীয় বিজেপি দলৰ ক্ষমতাশালী নেতাৰ সৈতে ঘনিষ্ঠতা ৰখাৰ বাবেই প্ৰৱঞ্চক মৃদুপৱনক আৰক্ষীয়ে গ্ৰেপ্তাৰ কৰিব পৰা নাই নেকি তাক লৈও বহু প্ৰশ্নৰ অৱতাৰণা হৈছে।
Also Read:অসমলৈ চৰকাৰী বাছ চলোৱাৰ সিদ্ধান্ত পশ্চিমবংগ চৰকাৰৰ; ২৬ ডিচেম্বৰত আৰম্ভ হ’ব এই বাছসেৱা
মৃদুপৱনৰ প্ৰৱঞ্চনাৰ বৃহৎ ৰহস্য ফাদিল হোৱাৰ পাছতেই ৰহস্যজনকভাৱে মহা প্ৰৱঞ্চকগৰাকী অন্তৰ্ধান হৈ পৰে।
বহু সফল অভিযানৰ নেতৃত্ব দিয়াৰ কৃতিত্ব দাবী কৰি অহা নগাঁও জিলাৰ আৰক্ষী অধীক্ষক আনন্দ মিশ্ৰও মৃদুপৱনৰ সন্ধান উলিওৱাত ব্যৰ্থ হৈছে।
পিচে, এতিয়া জামিন আবেদন বিচাৰি বিমুখ হোৱা সন্ধানহীন মহাপ্ৰৱঞ্চক মৃদুপৱনৰ দক্ষ অসম আৰক্ষীয়ে সন্ধান উলিয়াব পাৰিবনে?
