ভাৰতৰ ৭৩সংখ্যক স্বাধীনতা দিৱসৰ দিনাই অসমৰ গহপুৰ, হাৰমতী, হেলেম, নিজবৰগাওঁ, তাতিবাহাৰ আৰু ডুবিয়া ৰেল ষ্টেশ্যনে পাইছে ফ্ৰী ৱাই ফাইৰ সুবিধা।
অসমৰ এই ছটা ষ্টেশ্যনৰ লগতে দেশৰ মুঠ ৭১টা ষ্টেশ্যনত বৃহস্পতিবাৰে এই সুবিধা প্ৰদান কৰিছে ভাৰতীয় ৰেলৱেই।
এইকেইটা ষ্টেশ্যনকে ধৰি এতিয়া ৱাই ফাই ব্যৱস্থাযুক্ত ষ্টেশ্যনৰ সংখ্যা দেশত ২৮২০টা হ’লগৈ।
RailWireৰ ব্ৰেণ্ডৰ অধীনত RailTelএ এই সেৱা আগবঢ়াইছে। RailTel কৰ্পৰেশ্যন অৱ ইণ্ডিয়া ভাৰতীয় ৰেলৱেই গঠন কৰা এটা ৰাজহুৱা খণ্ডৰ প্ৰতিষ্ঠান।
এই সুবিধা প্ৰদানৰ ক্ষেত্ৰত RailTelএ গুগলক সহযোগী হিচাপে লৈছে।
এই বছৰৰ মে’ মাহত দেশৰ দুই কোটি মানুহে ৰেল ষ্টেশ্যনৰ ফ্ৰী ৱাই ফাইৰ সুবিধা লৈছিল।
