অহা ২ নৱেম্বৰৰ পৰা ৰাজ্যৰ বিদ্যালয়,মহাবিদ্যালয়ৰ পাঠদান আৰম্ভ হ’ব। আজি অসম চৰকাৰে এই সম্পৰ্কীয় নতুন নিৰ্দেশনা প্ৰকাশ কৰিছে। নতুন নিৰ্দেশনাত উল্লেখ থকা কেইটামান গুৰুত্বপূৰ্ণ কথা এনে ধৰণৰ—
- ষষ্ঠ শ্ৰেণীৰ পৰা দ্বাদশ শ্ৰেণীলৈ পাঠ দান কৰা ।প্ৰথম শ্ৰেণীৰ পৰা পঞ্চম শ্ৰেণীলৈ কেতিয়া পাঠদান আৰম্ভ হ’ব সেয়া পিছত জাননী যোগে প্ৰকাশ কৰা হ’ব।
- ষষ্ঠ, অষ্টম,দশম আৰু দ্বাদশ শ্ৰেণীৰ পাঠদান প্ৰতি সোমবাৰ,বুধবাৰ আৰু শুকুৰবাৰে কৰা হ’ব।এই ক্ষেত্ৰত বিদ্যালয়ৰ মুৰব্বীয়ে শ্ৰেণীৰ বেটছ নিৰ্দ্ধাৰণ কৰিব।
- সপ্তম, নৱম আৰু একাদশ শ্ৰেণীৰ পাঠদান প্ৰতি মঙলবাৰ,বৃহ্পতিবাৰ আৰু শনিবাৰে কৰা হ’ব।
- প্ৰতিটো শ্ৰেণীৰ দুটাকৈ বেটছ থাকিব। অৱশ্যে শিক্ষাৰ্থীৰ সংখ্যা ২০ জনতকৈ কম হ’লে এটা বেটছেই হ’ব।
- পলিটেকনিক আৰু অভিযান্ত্ৰিক শিক্ষানুষ্ঠানসমূহো অহা ২ নবেম্বৰৰ পৰা খোলা হ’ব। অৱশ্যে হোষ্টেলসমূহ প্ৰথম এমাহ বন্ধ থাকিব ।
- পুৱা ৮.০০ বজাৰ পৰা খোলা হ’ব বিদ্যালয়সমূহ।
- প্ৰথম ভাগত ৮.০০ বজাৰ পৰা ১২.০০ বজালৈ আৰু দ্বিতীয় ভাগত ১২.৩০ৰ পৰা ৩.৩০ বজালৈ ক্লাছ হ’ব।
- এক তৃতীয়াংশ শিক্ষাৰ্থী কঢ়িয়াই স্কুল বাছ চলিব পাৰিব।
- সকলোৱে মাস্ক আৰু ছেনিটাইজাৰ ব্যৱহাৰ কৰাটো বাধ্যতামূলক।
- সপ্তাহৰ প্ৰতি দেওবাৰে বিদ্যালয়ৰ চৌহদ ছেনিটাইজ কৰিব লাগিব আদি।
