মানৱীয়তা! এজন আৰক্ষী কনিষ্টবলৰ সহৃদয়তাই হৃদয় জিনিলে অসংখ্য লোকৰ, ক’ত?

অন্ধপ্ৰদেশ আৰক্ষী বিভাগৰ টুইটাৰ একাউণ্টত শ্বেয়াৰ কৰা প’ষ্টে অসংখ্য লোকৰ হৃদয় জিনিছে।

প’ষ্টটোত শ্বেয়াৰ কৰা ফটোখনত দেখা গৈছে এজন আৰক্ষী কনিষ্টবলে তামিলনাডুৰ এটা ভোটগ্ৰহণ কেন্দ্ৰত এটি এমহীয়া শিশুক কোলাত লৈ নিচুকাই আছে।

শিশুটোৰ মাতৃয়ে ভোটদান কৰিবলৈ যোৱাৰ বাবে তেওঁৰ সন্তানক কনিষ্টবলজনে চোৱা-চিতাৰ দায়িত্ব লয়।

#APPolice‘s humane face at #TamilNaduElections: @AnantapurPolice constable deployed to #TamilNadu for #TamilNaduElections2021 carried & lulled a 1-month-old crying baby until the mother’s return from the voting booth, winning the hearts of many.#AndhraPradesh#Elections2021 pic.twitter.com/vk0DO2doJN

— Andhra Pradesh Police (@APPOLICE100) April 6, 2021

টুইটটোৰ পৰা জানিব পৰামতে আৰক্ষী কনিষ্টবলজনৰ কৰ্মস্থান হৈছে অন্ধ্ৰপ্ৰদেশৰ অনন্তপুৰ।

তেওঁক তামিলনাডুৰ বিধানসভা নিৰ্বাচন উপলক্ষে চুবুৰীয়া ৰাজ্যখনত নিয়োগ কৰা হয়।

টুইটটো দেখি বহু লোকে যোগাত্মক মন্তব্য কৰিছে।

কিছু লোকে কনিষ্টবলজনক প্ৰশংসা কৰাৰ লগতে অন্ধ প্ৰদেশ আৰক্ষী বিভাগকো ধন্যবাদ জনাইছে।