শেহতীয়াকৈ উত্তৰ-পূৰ্বাঞ্চলৰ বহু শীৰ্ষ বিশ্ববিদ্যালয়ৰ খবৰে বাতৰিৰ শিৰোনাম দখল কৰিছে। ইয়াৰ ভিতৰত তেজপুৰ বিশ্ববিদ্যালয়, নেহুকে ধৰি গুৱাহাটী বিশ্ববিদ্যালয় উল্লেখযোগ্য। বিশ্ববিদ্যালয় কেইখনত প্ৰায়ে উপাচাৰ্যৰ কাৰ্যকলাপৰ বাবে বিশ্ববিদ্যালয়কেইখনে শেহতীয়াকৈ সংবাদমাধ্যমত চৰ্চিত হৈ আছে।
কংগ্ৰেছৰ সাংসদ গৌৰৱ গগৈয়ে সাংসদ ২ নৱেম্বৰ দেওবাৰে ঘোষণা কৰে যে আগন্তুক লোকসভাৰ সংসদ অধিৱেশনত উত্তৰ-পূৰ্বাঞ্চলৰ বিশ্ববিদ্যালয়সমূহে সন্মুখীন হোৱা গুৰুতৰ সমস্যাসমূহ তেওঁ উত্থাপন কৰিব।
গগৈয়ে সামাজিক মাধ্যমত এই সন্দৰ্ভত নিজৰ গভীৰ উদ্বেগ প্ৰকাশ কৰে। তেওঁ আঙুলিয়াই দিয়ে যে অসমৰ তেজপুৰ বিশ্ববিদ্যালয়, শ্বিলঙৰ নৰ্থ ইষ্টাৰ্ণ হিল ইউনিভাৰ্চিটি (NEHU) আৰু গুৱাহাটী বিশ্ববিদ্যালয়ৰ দৰে শীৰ্ষ শিক্ষানুষ্ঠানসমূহে শেহতীয়াকৈ যি কাৰণত বাতৰিৰ শিৰোনাম দখল কৰিছে সেয়া চিন্তনীয়।
সাংসদ গগৈয়ে লিখিছে, “সততে উপাচাৰ্যসকলৰ কাৰ্যই উদ্বেগৰ সৃষ্টি কৰে আহিছে।” শিক্ষা ক্ষেত্ৰত উৎকৃষ্টতাৰ বাবে পৰিচিত এই শিক্ষানুষ্ঠানসমূহে বৰ্তমান দুৰ্বল পৰিচালনাৰ বাবে ছাত্ৰ-ছাত্ৰী আৰু অধ্যাপকসকলৰ তীব্ৰ ক্ষোভৰ সন্মুখীন হ’বলগীয়া হৈছে।
শেহতীয়াকৈ দুৰ্বল পৰিচালনাৰ বাবেই তেজপুৰ বিশ্ববিদ্যালয়ৰ শিক্ষক আৰু ছাত্ৰ-ছাত্ৰীসকলে উপাচাৰ্যগৰাকীক অপসাৰণৰ দাবী জনাইছে।
উল্লেখ্য যে ছেপ্তেম্বৰ মাহত গগৈয়ে তেজপুৰ বিশ্ববিদ্যালয়ত চলি থকা সমস্যা সন্দৰ্ভত প্ৰধানমন্ত্ৰী নৰেন্দ্ৰ মোদীলৈ এখন পত্ৰও প্ৰেৰণ কৰিছিল। তেওঁ আশা প্ৰকাশ কৰে যে, প্ৰধানমন্ত্ৰীৰ কাৰ্যালয়ৰ পৰা সঁহাৰি লাভ কৰিব।
